الصداقة كنز حقيقي
وما في قانون بالكون بيقول الصداقة مثلية الجنس
يعني شب صديق شب
بنت صديقة بنت
بالنهاية هاد بيتوقف عالفترة الزمنية اللي ضلو مع بعض
يعني انا كنت مع بنت من صف الروضة والابتدائي والاعدادي والثانوي
بنفس الصف ونفس الشعبة
وانا وياها عم ندرس بنفس فرع الجامعة
انا هاد بسميها صديقة بكل ما تعنيه كلمة صداقة من معنى وبخاف عليها متل ما بخاف لحالي
مع العلم انو انا عاشق بنت
وهيي عاشقة شب
بس نحنا اصدقاء ان رضيت عشيقتي وان ما رضت
ان رضي حبيبها ولا مارضي

هاد بيدل انو الصداقة ارفع مرتبة من الحب ب ست درجات عالاقل

الموضوع كتير حلو
انا بدي قول انو الصداقة شي اكتر من رائع بس بصراحة احيانا صعب انو يكون في صداقة حقيقية بين جنسين مختلفين . هاد من وجهة نظري
بس هاد مو معناتو مافي ابدا بس متل ما قالو في حدود للصداقة بين الجنسين وهاد افضل للجنسين بصراحة لانو لا الشب رح يفهم ع البنت ولا البنت رح تفهم ع الشب حتى لو اصدقاء لذلك الحدود مطلوبة
اما انو يكون عند حبيبي او زوجي صديقة انا بغار وما بعرف اذا رح اتقبل الموضوع

وميرسي كتير عالموضوع

انا بحب انو بنت تعتبرني صديق
وبتمنى اللي بحبا يكون عندا صديق
لان كل امراة تحتاج الى كف صديق

بعدين الصداقة اعظم من الحب برايي
لانو الصداقة حب بس بدون امنيات واحلام
يعني تخيل انك تعمل مواقف حلوة وتفيد ناس وتقدم كل شي عندك
وكانك عم تقدمو لاخر مرة بكل مرة
اكيدشي رائع
اما الحب كل موقف بتعملو لازم تتمتع نتائجو بالاستمرارية

مشكورين علاء adminasim زهر الجلنار hamada63 sham allii vedoded الكميت نسيم الاربعين broken heart على ردودكم منورين الموضوع

بصراحة تعذبت حتى عرفت شو بدي رد لانو الموضوع مهم وفي حكي كتير وبيختلف حسب الأشخاص انا من جهتي بآمن كتير انو في صداقة بين الشب والبنت وانا عندي كتير اصدقاء بنات واحيانا بلاقين أقرب من رفقاتي الشباب انا لما بكون مضايق برتاح اكتر لما بحكي مع رفيقتي البنت لانو البنات بطبيعتن حساسين واكيد راح يحسو فيني وبحب اسمع رأين لانو رأين راح يكون مختلف عنرايي رفيقي الشب يلي تفكيرو راح يكون قريب عتفكيري منشان هيك بحب آخد رايي صديقة منشان استفيد من النظرة التانية او تفكير الجنس التاني .
وانا ماني مع اللي بقول انو الشب اجباري بدو يفكر بالبنت غير تفكير الصداقة واذا كان هيك بكون غلط بالشب وطريقة تفكيرو وأخلاقو يلي بتحط حد لتفكيرو وما بتخلي يبعد. واذا افترضنا انو الشب اذا زادت علاقتو برفيقتو وصارت قوية حبها هادا ما معناتو انو مافي صداقة وراح اعطي دليل :اذاكان الشب عندو مثلا 3 صديقات
وصداقة قوية مع الكل وحب احدهم حب حقيقي وصار يفكر فيا اكتر من مجرد صديقة معقولة يفكر بالتلاتة نفس التفكير (معقولة يحب التلاتة) اكيد لا. حب وحدة والاتنين البقية اجباري بدن يكونو بس صديقات معناتو
اجباري في صداقة حقيقية بين الشب والبنت . و في شغلةبحب قولا انو لما بتقوى علاقة الشب مع البنت بكون في اتجاهين يا بتروح عاتجاه انو تصير كاخت وهيك بتكون بعدت كل البعد عن الاتجاه التاني وهوي الحب او اي
شي غير الصداقة. وشكرا كتير عالموضوع وغلبتينا لانو سالتي سؤال قصير ونحنا انبلينا بجواب طويل.