allii كتب:مر ما يقارب العام على الازمة في بلدنا الغالي سوريا

اي والله للأسف .. أطول وأبشع سنة منمر فيها ..

تعايشنا مع هذه الايام كما تتعايش اشجار السنديان مع النبات الطفيلي لكن ,,:
هل قدر لهذا النبات ان يعيش طويلا والى متى سوف نبقى نحمل ارث هذه الازمة البغيض
من احقاد الى ضغائن الى فكر طائفي خبيث ؟

من البديهي نلاقي هالخليطة .. باعتبار انو "الربيع العربي" بشكل عام هوَ :
( made in Qatar , Saudi Arabia , Israel and America ) ..
و الشاطر يلي بيطلع يحكي باسم الشعب السوري وهوي ما بيعرف أصلاً شو بدو الشعب ..
والتجييش الطائفي يلي صار ..
والاجتهادات المقرفة بالفتاوى الخليجية التي تحلل للأخ أن يشرب من دم أخيه .. طمعاً بحسناوات الجنة ..!
والذكي مين بيقتل أكتر لينبسط فوق أكتر ..!

هل تعتقدون يا زملائي ان ما تركته هذه الازمة اصعب من ان نتجاوزه او لا وكم من الوقت سنحتاج

هيدي الأزمة شكلت انعطاف مفصلي بتاريخ سوريا ..
النا أكتر من عشر سنين عم نتجه برويّة نحوَ العلمانية ..
اجت هالسلمية وهدّت كل شي ..
بإذن واحد أحد رح نطلع من هالأزمة أقوى بكتير ..
ومنعرف مين الأخ ومين يلي بمية وجه ووجه ..
بس أكيد بدها وقت وصبر ..

ماذا تغير في نفوسنا وتصرفاتنا

تغير كتير .. وعلى قولة بروكن وينغز كنا بالبداية بس نشوف جريح من هالحوادث يقلب نهارنا كلو ونخاف ..
لأنو ببساطة الشعب السوري مش متعود على هيك سوداوية وإرهاب ..
أما الآن .. يا حسرة .. تعودنا وبزيادة ..

هل احترمنا النظام والقوانين اكثر ؟

أنا بقلك انو اي في فئة ولو كانت ضئيلة صارت تقدر معنى النظام وقيمتو ,
و صارت بتعرف قيمة الأمان يلي كنا عايشين فيه ..
وخاصةً بعد ما فقدناه .. للأسف ..

هل تخلينا وخرقنا القوانين اكثر ؟

ما منقدر نعمم يا علي ..
مثلاً :
بعض الموظفين كان يرتشي قبل الأزمة .. أما الآن ما الو عين ياخد .. والله أعلم بالنوايا ..!

هل سمعتم عبارة " هلء ماعد في فساد " كما سمعتها انا

سمعتها أحياناً .. وما بوافق على هالعبارة ..
بعرف موظفين بإحدى المحافظات بيبلعوا بلع .. ونزلوا بطالبوا بمحاسبة الفساد والمرتشين !..

الفساد موجود بوجود السوء بالنفس البشرية ..
ولكن قوانين محاسبة الفساد الفعالة والحقيقية والواقعية هي من ستتكفل بتقليص الفساد إلى حد كبير جداً ..
ومن الناحية الايجابية

هل علا صوتنا اكثر على الظلم والفساد والفاسدين

مش قصة "علي" صوتنا , ولكن صار بيوصل لمدى "أبعد" وبشكل قابل للأخذ بعين الاعتبار ..

هل من ناحية ايجابية ترونها فيما حدث ؟

متل ما سبق وقلت .. أفادتنا جداً , فلقد ســـــقطت الأقنعة ..

اسئلة برسم اجاباتكم وارائكم