منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    الغربة صعبة يا عمو ...

    AdmiNaSiM
    AdmiNaSiM
    Admin

    ذكر
    عدد المساهمات : 5628
    العمر : 33
    المكان : بعيد عنك ..
    المزاج : كويس .!.
    الدراسة : اقتصاد
    السنة الدراسية : متخرج
    المستوى : 209
    نقاط : 7494
    تاريخ التسجيل : 08/08/2008
    15012010

    الغربة صعبة يا عمو ... Empty الغربة صعبة يا عمو ...

    مُساهمة من طرف AdmiNaSiM


    طلب أستاذ الصف السادس الابتدائي من تلاميذه كتابة موضوع تعبير حيث كان النص على الشكل التالي:

    " لي عم مهاجر أكتب إليه رسالة أحثه فيها على العودة والتحرر من آلام الغربة, وأعلمه فيها بالتطور الذي طرأ على الوطن بعد رحيله, وزوال الأسباب التي دفعته إلى الهجرة."

    نظر الطلاب إلى الأستاذ وهموا بكتابة الموضوع, لكن صوت التلميذ ديبو المتسائل أوقفهم عن عملية الكتابة.

    ديبو: أستاذ شو يعني "أحثه" ؟!

    الأستاذ: أحثه يعني بتقله أنو كل شي تمام والوضع عال العال يا بهيم مشان يتحمس ويرجع.

    ديبو: يعني أعمل له البحر طحينة, وأرش له قنبز مشان يرجع..مو هيك أستاذ؟

    الأستاذ: اخرس واكتب من تم ساكت.. من وين متعلم هالحكي ولاه؟

    ديبو: من المسلسلات أستاذ.

    الأستاذ: لا بقى تتفرج عالتلفزيون يا دب.

    ديبو: ما بقدر أستاذ..بحب المسلسلات.

    الأستاذ: تفرج لكان عالمسلسلات التاريخية.

    ديبو: حاضر أستاذ.

    سعاد: أستاذ شو يعني تحرر؟!

    الأستاذ: تحرر يعني أن نحارب العادات والتقاليد البالية.

    سعاد: شو يعني عادات وتقاليد بالية أستاذ؟

    الأستاذ: يعني متل ضرب الزوجات والأولاد.

    فراس: أستاذ شو يعني آلام الغربة؟!

    الأستاذ: يعني أنو عمك بيكون قاعد بالمهجر, وهو عم يتألم كل يوم لأنه حن الى الوطن.

    سلوى: أستاذ شو يعني تطور؟!

    الأستاذ: يعني متل سويسرا فرد شكل.

    ليلى: أستاذ شو يعني زوال الأسباب التي دعته إلى الهجرة؟!

    الأستاذ: يعني ما عاد في هم وغم ولعية قلب عالرايحة والجاية..

    وكتب التلاميذ موضوعهم كما يلي:

    عمي العزيز..بعد التحية والسلام, نحثك على العودة إلى الوطن, فالوطن جميل وفي كل شارع وكل رصيف ستجد كميات من القنبز المرشوش من هنا وهناك, ولكي تصدق فقد ذهبنا في رحلة إلى طرطوس وشاهدنا القنبز على طول الطريق, وكان من الخطأ أن نذهب في الرحلة, لأن عمو تبع النشرة الجوية قال إن الطريق غير سالك بسبب تراكم القنبز, ولكننا لم نسمع النشرة لأننا كنا نتفرج على مسلسل باب الحارة.

    المهم يا عم مالك بالطويلة وصلنا إلى طرطوس بعد عذاب شديد بسبب القنبز, فشاهدنا البحر وركضنا لنسبح فيه, ولكننا لم نستطع لأنه كان كله طحينة, اي عن جد تعا وشوف بعينك صار البحر طحينة.

    وعندما عدنا إلى المنزل لم يضرب بابا الماما لأنه بصراحة تجوز عليها وصار يضرب مرته الجديدة, لذلك لا تهتم بالعادات والتقاليد البالية فلقد قضينا عليها.

    فإذا خرجت إلى الشارع فستجد السيارات وهي تطاحش على بعضها وعلى المشاة, وستشاهد الشوارع الزفت اللي مو مزفتة بسبب الحفريات تبع التطور, والأرصفة اللي كل سنة لون, وكل شهر شكل بسبب تغيرات التطور, يعني متل سويسرا فرد شكل..بس كل يوم شكل.

    كفاك آلاما في الغربة, نعرف انك تتألم عندما تقبض راتبك الكبير, وتتألم عندما تشاهد الشوارع النظيفة في الغربة, والشوفيرية الأكابر اللي ما بيهجموا عليك مشان تركض مرعوب,

    نعرف أنك تتألم عندما يقول لك البقال "غود مورنينغ سير", وعندما تدفع شركتك المصاري للطبيب عوضاً عنك, وعندما تساعدك البلدية على فتح شي مشروع, وعندما يعطيك البنك قرضاً مشان تنفذ أفكارك,
    نعرف أنك تعاني وتتألم في الغربة, فتعال يا عمي, لأنك إذا لم تأتي سنأخذ صفر في التعبير, بقى بيهون عليك نرسب يا عمو؟؟؟؟؟


    ======================================================
    مجموعة فور جامعة على الهوتميل

    صفحة فور جامعة على الفيس بوك
    لست عضواً في فور جامعة بعد !!! قم بالتسجيل هنا: Arrow

    من الصعب أن تحرر السذّج من الأغلال التي يبجلونها ... ( فولتير )
    مُشاطرة هذه المقالة على: redditgoogle

    سا man تو

    مُساهمة الجمعة يناير 15, 2010 12:30 am من طرف سا man تو

    والله عمو مرح يجي لانو نحنا لاحقينو بعد موضوع التعبير ..
    اذا الله راد ..
    allii

    مُساهمة الجمعة يناير 15, 2010 12:31 am من طرف allii

    حلوة نسيم..مشكور..
    يبدو انو مالنا غير الغربة ..
    مارح تزبط معك ماحدا عم يسمعك
    ..
    AdmiNaSiM

    مُساهمة الجمعة يناير 15, 2010 4:49 am من طرف AdmiNaSiM

    هيك شكلنا .. رح نشد الهمة .
    بس المشكلة الأكبر إذا عمو ما رضي يستقبلنا .. هون المصيبة الأكبر
    mohammad

    مُساهمة الأحد يناير 17, 2010 2:51 am من طرف mohammad

    والله طلع عمو شاطر ورح نعمل متلو ياعمو
    kareem el-cheikh

    مُساهمة الأحد يناير 17, 2010 4:03 am من طرف kareem el-cheikh

    يا عمو ..... انتم السابقون و نحن اللاحقوووون
    مارو

    مُساهمة الثلاثاء فبراير 23, 2010 12:38 am من طرف مارو

    أستاذ: شويعني قنبز؟؟؟
    والله ياعمو زكاتك بعتلنا دعوة لعندك .... مو مشان شي مشان نشاركك بآلامك

      الوقت/التاريخ الآن هو الثلاثاء أبريل 20, 2021 1:37 pm