منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    دبوس الى اتحاد الكرة ..............لقمان ديركي

    SA LEH
    SA LEH
    مشرف منتدى القضية الفلسطينية

    ذكر
    عدد المساهمات : 558
    العمر : 34
    المكان : بين السماء و الأرض
    المزاج : سكران وحيران
    الدراسة : اقتصاد
    السنة الدراسية : متخرج
    المستوى : 22
    نقاط : 1026
    تاريخ التسجيل : 12/02/2009
    24012010

    دبوس الى اتحاد الكرة ..............لقمان ديركي Empty دبوس الى اتحاد الكرة ..............لقمان ديركي

    مُساهمة من طرف SA LEH

    ومن هم هؤلاء الذين نقعناهم، وأين...في المطار. مطار دمشق الدولي، إنهم المنتخب السويدي الشقيق والبعثة المرافقة له، ولكن ما الذي أتى بالمنتخب السويدي إلينا كي يلعب مباراة ودية مع منتخبنا الوطني اللي مو دريان باللعبة المرتقبة والتي من المفترض أن تكون قد جرت البارحة، ياسيدي هدول كانوا عم يلعبوا مباراة ودية في
    عُمان ضد عُمان، قام اتحادنا الكروي ظبّط قعدة معهم وأقنعهم أن يمروا بطريق عودتهم إلى السويد علينا، قالوا لهم يا جماعة ما رح تكلفكم هالوقفة نهار واحد بالشام شي، حاكم المنتخب العماني دافع لهم أجرتهم، كما أنهم قالوا لهم إن الجمهور في سورية متعطش لمشاهدة منتخب كبير في الشام، ذلك أن آخر منتخب كبير مرق علينا كان الاتحاد السوفييتي عام 1989 ، وبعدها انهار الاتحاد السوفييتي كله، بل وانهارت معه كل الدول الاشتراكية الصديقة التي كانت تأتينا وتلاعبنا بدافع المحبة لا أكثر، يمكن وجه منتخبنا نحس، هيك ما فيه لا جاذبية ولا في أله شخصية، وبصراحة ما له لا فكاهة ولا مازية، بصراحة وبالإذن من الحنجرة المتحشرجة بالهتافات المبحوحة المُشجِّعة، وبالإذن بدون أنف وحنجرة من مدرب المنتخب اللي من قد مو وقته فاضي صار صحفي، لأنو بالصحافة وحدها تستمر المنتخبات، وأية صحافة، صحافة اللي كتَّابها رئيس اتحاد الكرة شخصياً، ورئيس سابق طامح يصير لاحق إذا الله فتحها بوجه الانتخابات الجديدة، ومدرب المنتخب اللي مو بس بيكتب، لأ..بل بيدير محررين كمان، المهم مالكم بالأحداث الجسيمة الاعتيادية وألكم بالحدَث الجسيم الفريش، افرشوا فرشاتكم يا شباب وتسطَّحوا شغلتنا بالظاهر طويلة، هكذا تكلم مدرب المنتخب السويدي الشقيق مع أشقائنا لاعبي المنتخب السويدي، بالسويدي طبعاً قبل ترجمتنا العتيدة، وذلك أن المساعد جميل ما رضي يفوتهم من المطار، ليش..قال لأنو المساعد جميل التاني طجَّ لَهُم على الجوازات تاريخاً خطأ، وربك ودينك والسبعة أيمان ما قبِل يفوّتهم ولا بأي شكل من الأشكال، ورجَّعهم متل التوتو لعند المساعد جميل التاني اللي تجهَّمَ وبقَعَ بوجه مساعد جميل الأول وبعد ما عرف بتعفيسته لفَّها وابتسَمْ، وطجَّ التأريخ الصحيح، ودخل الوفد أرض ديار المطار واستلموا الحقائب من على الصحن الدوار، وغرانديزر انطلق..باتجاه العربات، لكن المساعد جميل التالت، قال لهم ممنوععع، ليش يا حبيب، قال شو مختلفين لأي شركة من الشركتين يعهّدوا العربات، وبس يرسو على شركة بيعطوكم عربات، ذلك أنو العربات بمصاري مو ببلاش متل باقي الخلق من المطارات، وبلشت التدريبات بحمل وشحط الحقائب ودفشها بالأقدام من قِبَل لاعبي المنتخب السويدي، وكان باستقبالهم شخص وحيد شكله من هؤلاء الذين يقفزون من على سور منصِفٍ لإحدى الأوتوسترادات، وصعدوا في الباص اليتيم المخصص به وتداحشوا، ولسه ما بلَّشت المباراة..تبع امبارح. اقرأ النتيجة في صفحة أخرى من هذه الجريدة.
    مُشاطرة هذه المقالة على: redditgoogle

    Alishoo-M

    مُساهمة الإثنين فبراير 01, 2010 12:26 am من طرف Alishoo-M

    لك كل الطابة السورية

    مو الإتحاد ولا تصرفتو هي الدبوس

    الطابة السورية هي الدبوس بحد ذاتها كنا نحضر المباراة من الأول للأخر

    ونحن متحمسين بعدين نخسر بشرف
    على قولة المعلق

    ايي يييي ي ي يييي

    خلي يكون عنا طابة ولعب متل الناس لحتى يكون عنا اتحاد

    mohammad

    مُساهمة الثلاثاء فبراير 02, 2010 8:01 am من طرف mohammad

    ولك اخـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــخط
    ا,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,وووووووف
    غنحد ايمت بدنا نحس انو عنا منتخب
    Ali Al-Kabeer

    مُساهمة الثلاثاء فبراير 02, 2010 6:32 pm من طرف Ali Al-Kabeer

    مارح نحس أنو عنا منتخب حتى نلعب مع البرازيل
    دبوس الى اتحاد الكرة ..............لقمان ديركي Icon_lol
    aljoker

    مُساهمة الثلاثاء فبراير 02, 2010 9:36 pm من طرف aljoker

    لا بالعكس نحنا كرة قدم حلوة وعنا لعيبة ما بتنقصن موهبة بدليل عنا محترفين برا سورية بشرفو الكرة السورية
    بس العلة بالاتحاد الفاشل
    لأنو لما اتحاد طويل عريض ما بيقدر احط بولمان تحت اشارة المنتخب فشو منو وهي من أبسط الأشياء اللي ممكن يعملا
    وهادا غير التمويل الضعيف للمنتخب بصراحة شي بخجل لكن معقولة مدرب المنتخب يقبض بس 25 ألف وهادا غير رواتب اللعيبة الضعيفة لك حتى حوافز ما في وبهيك جو أكيد اللاعب ما رح يقدم كل شي عندو مشان ما ينصاب وتروح عليه مبارياتو مع ناديه يلي عم يدفعلو أكتر بكتير

      الوقت/التاريخ الآن هو الأربعاء أبريل 21, 2021 7:08 am