منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    ماهو الميكرو .؟؟؟؟؟؟

    allii
    allii
    كبير المشرفين

    ذكر
    عدد المساهمات : 7745
    العمر : 33
    المكان : وسط بريق الفضة
    المزاج : romance
    الدراسة : اقتصاد
    السنة الدراسية : متخرج
    المستوى : 155
    نقاط : 9239
    تاريخ التسجيل : 24/10/2008
    24022010

    ماهو الميكرو .؟؟؟؟؟؟ Empty ماهو الميكرو .؟؟؟؟؟؟

    مُساهمة من طرف allii

    ما هو المكرو: هو وسيلة نقل تستخدم
    في الشوارع السورية بكثرة حيث تتكون هذه الوسيلة من علبة اسطوانية او شبه
    اسطوانية و من ثلاث أبواب اثنان طبيعيان وباب ثالث فضائي و هو باب الزبائن
    أي (المفعول بهم) و أربعة دواليب تقاد من قبل أشخاص غالبا ما تكون نسبة الـ
    iq لديهم دون الصفر!!
    سنتحدث عن المكرو:

    1-الباب الفضائي (باب الزبائن)
    حيث إن تقنية إغلاق الباب هي الكرج عن طريق الدفش من قبل الزبون أو استخدام
    نظرية القوه النابذة من قبل الشوفير ((عن طريق ضرب فرام)) ولكن هذه
    التقنية قد تودي إلى بعض الإصابات, كما انه من الممكن أن يقوم الزبون بخبط
    الباب بقوة إذا انزعج من الشوفير إما من غباء الأغنية التي يضعها الشوفير
    أو لأنه وقف للزبون في غير المكان الذي أراده الراكب

    2-المحاسبة وهي دفع الأجرة للشوفير
    إيصال المال للشوفير عن طريق إعطاء المال للراكب الجالس أمامك فالذي أمامه
    إلى أن تصل للشوفير (العلاقة المتعدية في الرياضيات) وتعود الكمالة اليك
    بنفس التقنية ,غالبا تتم عملية صرف النقود بين المكرو وسيلة نقل اخرى يحتاج
    لمزامنة حيث يسير الاثنان بنفس السرعة وتتم عملية صرف القطع النقدية
    بالاستعانة بركاب المقعد الأول إن وجدوا,, كما أن الرجل الجالس خلف الشفير
    ممكن أن يستخدم كمحاسب يقوم بحساب المال وبكشف المتهربين من الدفع ..!

    3-كيف اركب المكرو !!؟
    في الأوضاع العادية: عن طريق التأشير بالإصبع أو باليد، إذا لم يكن يوجد
    أماكن في المكرو سيرد عليك الشوفير بأصابعه الخمسة وتعني (لا يوجد أماكن.!
    هل تريد الصعود على الواقف؟) ويتقرر بفترة لا تزيد عن ثانية و يا بتحلقلو
    او بتوافق ((ولكن انتبه من أن تكسر مخك أنت وصاعد على المكرو بسبب انخفاض
    فتحة الباب))
    قي أوقات الازدحام: عندما يصل المكرو قم بتدفيش كل من حولك حتى من لايوحون
    بأنهم يريدون الصعود ((حيث أنها قد تكون خطة استراتيجية هاها بس مو عليك)) و
    قم بفتح الباب و اصعد قبل أن ينزل الزبائن من داخل المكرو ((هذه هي
    الطريقة الوحيدة للصعود إلى المكرو أوقات الزحام)) و طبعا تعتمد هذه
    الطريقة على لياقتك البدنية بشكل كبير.

    4-كيف انزل من المكرو !!؟
    حيث تبدأ بالعياط للشفير ((وقف يا معلم..ياحبيب..يادب..)) حسب درجة انطراب
    الشوفير بأغاني الكراجات وكل ما ارتفعت الوتيرة كل ما كانت نسبة استماع
    الشفير إليك اكبر ..! :]
    اما اذا كنت من الجنس اللطيف و كان كتير صوتك ناعم فلاتخافي لأن جميع ركاب
    المكرو من الرجال سيصرخون معك نزلاااااا !!!!]


    ======================================================
    يـَـــــا ريت فييّ خـبّيــــها وما خلّي حدا يحاكيـــها
    مُشاطرة هذه المقالة على: redditgoogle

    avatar

    مُساهمة الخميس فبراير 25, 2010 2:40 am من طرف nillay

    انا مرة وحدة ركبت مكرو ومن وئتا ما عاد عدتاااا
    انشالله قرار الغاء المكاري بيطبق وبيصير بدالون الباصات الخضر بس طبعا طرطوس بعد شي ألف سنة كالعادة ماهو الميكرو .؟؟؟؟؟؟ Icon_sad ماهو الميكرو .؟؟؟؟؟؟ Icon_sad ماهو الميكرو .؟؟؟؟؟؟ Icon_sad
    allii

    مُساهمة الخميس فبراير 25, 2010 5:43 am من طرف allii

    يعني كمان المكاري بتحل ازمة الناس الفقراء والمحتاجين اللي عنجد ما معن مصاري يعشو ويلبسو حتى
    والوضع بطرطوس احسن بكتير
    بالشام الناس بتقعد ع ارضية المكرو فعلا شي عجيب
    yamen

    مُساهمة الخميس فبراير 25, 2010 8:15 am من طرف yamen

    ههههه اصبت لب الحقيقة
    وازا اردتم الحصول ع المزيد من المعلومات يرجى التوجه
    الى الكراج الجديد بوقت طلعة الموظفين ...... وشكرا
    عنجد واقع صعب ... بس كل يوم بيكون عندك مغامرة شكل ...
    مشكور علي
    promise-me

    مُساهمة الخميس فبراير 25, 2010 5:48 pm من طرف promise-me

    الشعب عنا ما بيحب غير هيك
    لما جابو باصات طويله 26 راكب للخطوط الطويله ما حدا كان يطلع فيها...أصحابها كان يوقفوا بالكراج و ما حدا يطلع معهون و يصرخوا للناس
    (هاد مو ع تل أبيب يا ناس)
    يعني متل ما بيقولوا
    العطل من الغساله....مو من المسحوق
    mohammad

    مُساهمة الجمعة مارس 05, 2010 6:40 am من طرف mohammad

    اي شو هاد والله صار للدبانة دكانة وصارت تفتح بعد الضهر

      الوقت/التاريخ الآن هو الجمعة أبريل 23, 2021 7:14 pm