منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    مابعرف

    avatar
    محمود
    جامعي جديد

    ذكر
    عدد المساهمات : 10
    العمر : 33
    المكان : طرطوس
    الدراسة : اقتصاد
    السنة الدراسية : متخرج
    المستوى : 0
    نقاط : 216
    تاريخ التسجيل : 24/05/2010
    06072010

    مابعرف Empty مابعرف

    مُساهمة من طرف محمود

    أنا بعتذر اذا زعجت حدا ببكلامي
    لكن عن بعرف وضعكم منيح
    أولا طرطوس ما فيها علم ولعلم صار بايخ وميعوه الشباب والدكاترة
    أنا بتحدى طالب من خريج طرطوس أو الاذقية أ حلب أنو ينافس خريج الشام
    طبعا بدكون تسألوا ليش!
    لأني أنا اطلعت على المنهاج يلي عم تاخدوه بالكية بطرطوس اي صدقوني ما بيجي قد نص منهاج الشام بالاضافة الى أنو المواضيع بالشام كتير جديدة متل المعايير المحاسبية الدولية أخر نسخة 2010
    أي بتحدى طالب من طرطوس أو أي جامعة غير الشام يعرف عنها شي
    منهاجكم قديم كتير
    بعدين أنا متأكد أنو بعد سهولة المنهاج عندكون الدكاترة عم يحذفوا منو (طبعا الدكاترة عندكن لا تعليق ولا غبار متل الفلة اللهم صلي على النبي)
    !يعني الموضوع يلي الدكتور صعب عليه أو منو فهمانوا بيحذفوا وانتو بتكيفو ...
    حررررررررررررررام عليكم !بكرا لما بتتخرجوا وما بتعرفوا شي بالاقتصاد بتعضوا أصابعكم ندامة!
    طبعا مو الحق عليكم الحق على الجامعات يلي خرجت الدكاترةيلي عم يعلموكوا مابعرف Icon_bounce
    نصيحة اطلعوا على منهاج الشام
    ملاحظة
    طبعا أنا بعترف أنوا في دكاترة بطرطوس عم يعلموكوا كتير محترمين وفهمانين
    وبالنهاية أنا بعتذر اذا أسأت لحدا واذا في أسئلة بتمنى تسألوا مو تعليقات بلا طعمة
    ونصيحة خاصة لطلاب المحاسبة ادخلوا على موقع المحاسبين القانونيين السوررين وحملوا محاضرات للدكتور مأمون حمدان وبعض الدكاترة وخلوها مواضيع بحث مع الدكاترة عندن وردو علي خبر
    تصبحوا على خير
    المخلص محمود
    مُشاطرة هذه المقالة على: redditgoogle

    Shahrazad.

    مُساهمة الثلاثاء يوليو 06, 2010 1:48 am من طرف Shahrazad.

    الدكاترة بشكل عام في طرطوس وبأي فرع كان معروف انو علاقتهم بالطلاب جيدة وقائمة على الاحترام
    هلق بكلية الاقتصاد او التربية مابعرف بس انا يلي بسمعو انو كتير مناح
    بعدين انت شو تاعبك
    يعني تحكي من اليوم لبكرا شو رح تستفيد
    فايت من اول مساهمة تشهر بدكاترة طرطوس وبعدين صلى الله وبارك

    بعدين يا سيد طرطوس معروفة انو اعلى نسبة تعليم موجودة فيها
    وطلابها ودكاترتها ما في منن
    لهيك لا تكتر حكي وتوجعلنا راسنا
    انت على مايبدو طالب من برا طرطوس
    خليك بمحافظتك واترك الآخرين

    اما الدكاترة يلي مو عاجبينك تلات ارباعهم خريج جامعة دمشق
    لهيك لا تقعد تتشاطر
    وبلا هالكلام المسيء هيدا
    هه اذا كتير ضايج تعا ادرس بجامعة طرطوس وخلينا نشوف شو رح يطلع منك
    damn

    مُساهمة الثلاثاء يوليو 06, 2010 1:59 am من طرف damn

    مارح رد عليك الا بكلمة وحدة ... من عنوان موضوعك بين مستواك الذهني

    avatar

    مُساهمة الثلاثاء يوليو 06, 2010 2:13 am من طرف محمود


    أنا برجع وبعتذر اذا زعجت حدا
    خلص بوعدكون ما بئا فوت على المنتدى الا لما بدي أضحك
    عطر_القلوب

    مُساهمة الثلاثاء يوليو 06, 2010 2:33 am من طرف عطر_القلوب

    بتمنى أنك تكون محترم واذا مابدك تكون محترم
    احترم المنتدى وأعضاءه
    وأنا بشوف انو دامن معو حق
    avatar

    مُساهمة الثلاثاء يوليو 06, 2010 3:08 am من طرف ETN-PUNK

    مرحباً.. أولاً مستوى الردود لا
    يليق بطلاب جامعيين و لم ياتٍ أيّ ردّ حتّى في سياق الموضوع!!!
    المفلسون يلجؤون للسباب والتشهير
    لأنّه لا حجّة لديهم يدعمون بها رأيهم...
    على أيّة حال أنا ابن محافظة
    طرطوس ومتخرّج وأتابع دراستي العليا لذلك لا يتحجّج أحدكم بحجّة "من خارج
    المحافظة".. محافظتانا كما نعلم صغيرة
    وجامعتها حديثة لذلك ومن المنطقيّ أنّها لا تقارن بواحدة من أعرق جامعات العالم
    العربي " وسوريا طبعاً"..
    دون إطالة طبعاً التدريس في جامعة
    دمشق أفضل من غيرها من الجامعات , لكن كما هو معروف في الدراسات الجامعيّة على
    الدكتور أن يعطيك 40% والباقي جهد شخصي من الطالب..مسألة الحذف منتشرة في كلّ مكان
    وهنا يأتي دور الطالب في إكمال الـ 60% التي أأشار إليها الدكتور و ربما
    لم يشرحها...
    جامعة طرطوس حديثة ولذلك كان لا بدّ من تخريج دفعة أولى بأيّ طريقة وربما هذا كان سبب المنهاج الهزيل الموجود, ومع
    الوقت طبعاً متوى التدريس والخبرة سيتطوران, زطلاب المحافظة كما ذكر معروف عنهم
    اجتهادهم وتحصيلهم لأعلى الشهادات ونسبة الجامعيين فيها هي أعلى نسبة في
    سوريا.أنا لست محامي دغاع عن أحد
    لكن الردود لم تكن لائقة!! الرّجل اعتذر وذكر أنّ هناك "كما في جميع جامعات العالم"
    وحسب قوله "طبعا أنا بعترف أنوا في دكاترة بطرطوس عم يعلموكوا كتير محترمين
    وفهماني"
    واعتذر وأعاد اعتذاره
    أكثر من مرّةلذلك لا داع للأهانات من فضلكم
    إذاً أرجو من الجميع عدم
    اللجوء إلى هذه الطريقة في الر دّوالبقاء ضمن إطار الموضوع ومن لا يملك شيئاً
    ليقوله عليه أن يصمت ...

    أنا عضو جديد وأتمنّى أن يكون
    هذا المنتدى منتدى جامعيّاً بكلّ المقاييس بعيداً عن المهاترات وذلك لتعمّ الفائدة

    ةونتشارك آرائنا دون
    حساسيّات..
    وعزيزي محمود عليك التخفيف من
    حدّة ما تكتب أو أن تختار مفردات أقلّ حدّة على الأقلّ...
    شكراً لكم لااستضافتي في
    منتداكم وأتمنّى أن نرى في هذا المنتدى كل ما هو جميل و يستفيد
    الجميع
    عذراً على تنسيق النصّ السيّء لكنني جديد اعذروني ....
    avatar

    مُساهمة الثلاثاء يوليو 06, 2010 3:11 am من طرف ETN-PUNK

    مجدّدا عذراً على تنسيق الخطّ السيّء
    m.abbass

    مُساهمة الثلاثاء يوليو 06, 2010 3:24 am من طرف m.abbass

    [b]موضوع لا يستحق الرد...
    sadflower

    مُساهمة الثلاثاء يوليو 06, 2010 3:34 am من طرف sadflower

    أناطلعت من الجامعة وماكتيرفتت بجوها
    بس عنجدعيب عليك تحكي هيك
    ياريت تحترم حالك
    ومتل ماقال آدمن بقلك
    avatar

    مُساهمة الثلاثاء يوليو 06, 2010 5:16 am من طرف ETN-PUNK

    فعلاً غريب!!!
    ومضحك بعض الشيء!!!!
    أنا جديد سجلت منذ دقائق وأعلن انسحابي إذا كان هذا مستوى الردود!! لا أحد حتى يذكر شيئاً عن الموضوع!!فقط إهانات!!! غريب!!!أين المشرفون!!!
    أمّا المضحك هو من يقول هذا موضوع لا يستحقّ الردّ عليه!! ويردّ ههههههههههههههه
    هذه ليست ساحة حرب, من كان ردّه لا يغني الموضوع لم الردّ من الأساس!!ولم المواضيع الهجوميّة أصلاً..
    ألم نتعلم أساليب النقاش الحضاري في الجامعة؟؟ هذا موضوع يستحقّ الطرح.الموضوع والردود لا تدلّ على وجود أسلوب حواري لطلاب جامعيين وهذه مشكلة تستحقّ الطرح والمعالجة...
    غريب والله!!!
    على أيّة حال يا إخوتي أبنااء طرطوس كما يقال " فالج لا تعالج"
    أتمنى لكم التوفيق والمحافظة على هذا المستوى الراقي في النقاش....
    آه كم تمنيت أن أتواصل مع إخوتي في منتدى يدّعي أنّه الأوّل في طرطوس...
    على فكرة من يقلّ من احترام الناس يقل من احترام نفسه هذا الكلام ينطبق على المواضيع والردود على حد سواء
    سلام واتمنى التوفيق للجميع
    وداعاً
    damn

    مُساهمة الثلاثاء يوليو 06, 2010 7:04 am من طرف damn

    بهديك غنية ... تعا ولا تجي
    نسيم الروح

    مُساهمة الثلاثاء يوليو 06, 2010 3:10 pm من طرف نسيم الروح



    شو صايرلكن يا جماعة ؟؟
    لسا ما حدا متحمل التاني ، ولا حدا بيرضى بالنقد وعأي كلمة بيزعل وبيعلن ( انسحابه ) ..

    أنا بصراحة بوافق الزميل محمود بجزء كبير من اللي حكاه وأكتر شي عن المنهاج الضعيف المعطى في طرطوس ..
    وهالحكي ما بينطبق على كل المواد ...
    بالعكس في مواد كتير حديثة ومتعوب عليها من قبل الدكاترة ، وبالمثل في مواد أكل الدهر عليها وشرب ..

    بعطيكن مثال : طلاب الإدارة شو بيعرفوا عن السيكس سيغما ؟؟ ولا شي ، أو شي بسيط
    طلاب المصارف شو بيعرفوا عن أساليب تطوير الذات والتعامل مع الزبائن ؟؟ كمان ولا شي ..
    للأسف.

    أما من ناحية أنو كانوا بدهن يخرجوا أول دفعة بأي طريقة فاسمحلي قلك أنو كلامك غلط ..
    أنا من طلاب الدفعة الأولى ، والمواد اللي درسناها من أصعب المناهج اللي تم تدريسها بالكلية لحد الآن .

    وأهلا وسهلا فيكن محمود و Etn-punk


    allii

    مُساهمة الثلاثاء يوليو 06, 2010 3:12 pm من طرف allii

    متل ما بيعرف اغلبكن انو انا طالب حاليا دراسات عليا في جامعة دمشق
    وكنت خريج طرطوس وافتخر بهذا الشيء
    اولا : من ناحية المستوى العلمي للدكاترة فلا يمكن نهائيا التفريق بين دكاترة دمشق وتشرين لانهم نهلوا من نفس المصدر سواء خارج البلد او داخله
    ما يزيد به دكاترة دمشق انه على احتكاك اكثر بالشؤون والقضايا الدولية والداخلية نظرا للمناصب التي يعملون بها
    ثانيا : من ناحية الطلاب
    الاوائل على طلاب الماجستير العام الماضي كانو من جامعة تشرين
    اذا الاهم هو الجهد الشخصي والتفكير للطالب وحسن تعامله مع الدكاترة وهذا ما يمتلكه طالب تشرين او طرطوس
    وصدقوني وانا الان اكتب من جامعة دمشق ان مستوى طلاب دمشق لا يفوق مستوى طلاب تشرين من خلال 7 اشهر بالماجستير
    قضيتها لنقول ان الكل سواسية وما يفرق هنا هو متابعة الطالب واهتمامه ليس الا
    هنا الطالب يتخرج وهو من الاوائل ولا يرى الدكتور او يعرف شكله وهذا ما قاله لي احد اصدقائي من هنا ...طبعا الكلام نسبي اكيد

    لذلك هذا الموضوع لا يحتمل نقاش اكثر وارجو ان يقف عند حدوده
    اعتقد ان ما قلته يفي بالغرض ويحمل الكثير من الصدق والثقة

    شكرا
    mohammad

    مُساهمة الثلاثاء يوليو 06, 2010 3:45 pm من طرف mohammad

    ياحبيب الصراحة مو الطلاب يلي فيهون يقترحو ع الدكتور منهاج معين او طريقة دراسة معينة انا بوافقك بجزء من حكيك الا و هو اطلاع الطلاب ع منهاج الشام بس حسب تصنيف الجامعات بالعالم اتت جامعة تشرين بالمركز ٨٣عالميا فيما كانت دمشق بالمركز ٨٧ عالميا وفي اثباتات ع الموضوع نحنا الدكاترة اغلبيتون فهمانين ومو ناطرين حدا يوجهن وبعتقد انو التعليم وتطوير الذات هوي من مهمة الطالب اولا واخيرا ياما في عالم تخرجت من االشام واكلت هوا ومشكور ع اهتمامك
    avatar

    مُساهمة الثلاثاء يوليو 06, 2010 5:19 pm من طرف ladymoon

    له له .. شبكم .. قايمة الدنيي هون ..
    أخي محمود .. الشغلة أنا برأيي نسبية ..
    يعني أكيد وين مارحت بتلاقي الأبيض والأسود ..
    أما بالنسبة للمناهج ففي شغلة بحب نوه عليها .. أنو بعض الدكاترة بيكونو مشتركين مثلا بين طرطوس واللاذقية .. أحيانا بيحذفو كم بحث باللاذقية بس ما بيحذفوهم عنا ..

    بس الشيء المؤكد أنو منهاج الشام لا يعلوه منهاج .. وهادا سبب توجه كل من يريد الخبرة والنجاح الأصلي أنو بيروح يدرس بالشام ..
    وبعدين متل ماذكر الأخ علي أنو بالنهاية كلو يعود على جهد الطالب ..
    أنا مثلا مابحضر نظري وبالفصل الأول في دكاترة حتى ماكنت بعرف شكلهم وما عرفنا بالحذف يلي قررو الدكتور بالمادة .. ومع ذلك النتائج كانت مرضية والحمدلله ..
    بس يمكن لأنو فرع التربية يعتمد على المواد الحفظية اكتر..

    بس أكيد كل واحد عندو رأيو ..
    ونحنا اذا مو مع الرأي الآخر فهذا لا يعني بأننا نعاديه ..
    أكيد لا ..
    منتدانا المنتدى الأول بطرطوس مو ع الفاضي ..
    تصفح المنتدى ومواضيعو ومشاركات الزملاء ورح تشوف شو قصدي ..

    وأهلا وسهلا بالجميع ..
    مو ضرورة رأي واحد ..
    بس أكيد كلمة صادقة ومن القلب ..
    4jam3a يرحب بالجميع ..
    sadflower

    مُساهمة الثلاثاء يوليو 06, 2010 8:40 pm من طرف sadflower

    ENT_PUNK
    كأن حضرتك أنتقدت علينا وع ردودنا وأنت نفسك أهنتنا
    وتمسخرت علينا لكن قلتلي فالج لاتعالج موهيك
    بس شي طبيعي
    ماحدابشوف حالو
    عم قول ليش دافعت عنه طلعت لانك متله
    زهر الجلنار

    مُساهمة الثلاثاء يوليو 06, 2010 9:57 pm من طرف زهر الجلنار

    مرحبا.....
    بالنسبة لشغلة الحذف والدكتور فهي بتختلف طبيعي من جامعة لجامعة ......

    وبرأيي مادخلها بمستوى الطالب الي بيتخرج يعني عذرا بس انا بشوف انو الطالب لما بيتخرج

    ما لازم يعتمد بعملو ومهنتو الخاصة بفرعو عالدراسة الي تلقاها بس بالكلية ومو هيي الي

    بتحدد مستواه انما عتقويتو لحالو واغناء معلوماتو وخبرتو....

    ومافينا نقارن شي بشي بعدين لانو كل كلية الها جوها وطبيعة تدريسها ....

    هاد رأيك زميل محمود واي حدا منا اكيد بيتقبلو

    العقل المنفتح يتقبل جميع الاراء......
    وهلا بيك بيناتنا.........ومو فق



    damn

    مُساهمة الثلاثاء يوليو 06, 2010 11:16 pm من طرف damn

    يا جماعة القصة ما بدها كل هالنقاش .. محمود وهداك التاني ent شخص واحد
    وخلي أدارة المنتدى تقارن ip التسجيل مع ip وضع الموضوع للتنين ورح يطلعو متشابهين
    والي بيقرا شو كتب محمود بموضوع باريس وطرطوس لازيم يعرف انو هالشخص جاي كرمال يساوي فتنة مو اكتر
    هاد ما هدفو لا النقد البناء ولا شي الله يستر وجد عطيناه اكتر ما بيستاهل
    Milad

    مُساهمة الأربعاء يوليو 07, 2010 2:16 am من طرف Milad

    أخي محمود .. مشكور على طرحك الذي أعتبره نقد بناء
    أولاً : من ناحية طرطوس ما فيها علم ... بقلك لأ .. فيها علم أكتر من جميع المحافظات السورية و الدليل على هذا الأمر هو احتلال الطرطوسيين المراتب الأولى في جميع محافظات القطر و في جميع الفروع
    إنما التراجع الذي نعاني منه هو بسبب غياب الجو الجامعي الذي كنا نحلم به من وقت البكلوريا و تفاجئنا بالواقع هنا .. هذا الأمر أوقعنا في قليل من الإحباط و فتورنا عن الدراسة أو الاطلاع الموسع

    ثانيا : من ناحية الدكاترة .. فما فيك تحكي أي شيء عنن ... ولا سبيل لمقارنتهم مع دكاترة جامعة دمشق ... لأن كلن خريجي ألمانيا و فرنسا و معروف أنو كل واحد فيهن بزين بلد بعلمو و ثقافتو و أي واحد مؤهل ليصير وزير

    ثالثا : قد تكون محقا أن مناهجنا قديمة ..و هذا ما يعترف به دكاترتنا أنفسهم
    منشان هيك ممكن تكون أفكار طلاب دمشق معاصرة أكتر مننا
    لكن هنا لا الدكاترة ولا الطلاب فيهن يعملو شي ... بدك ترجع للإدارة الأعلى بالجامعة و تشوف سبب التقصير ... و ما بحط حدا ع زمتي

    رابعا : أجدد شكري لك و على دللنا لمحاضرات الدكتور السابق و أرجو من الجميع الاستفادة منها إضافة لمناهجنا المقررة


    و أهلا بك في فور جامعة الذي يستقبلك برحابة الصدر
    Milad

    مُساهمة الأربعاء يوليو 07, 2010 2:41 am من طرف Milad

    و بالنسبة للزميل etn :
    أول شي بقلك .... أعجبني كثيرا أسلوبك الصالوني و المنمق بالكلام
    تاني شي .. نحنا هون بالمنتدى مو هدفنا نعمل مباراة بالبلاغة و النثر الكلامي و هندسة حروف الردود و صف الكلمات
    المنتدى ساحة حوار ... و كل واحد برد ع هواه ... متل مأنت رديت عالموضوع بهواك

    و مستوى الردود ما فيك تعممو ..... ولا بأي منتدى بهل عالم
    نحنا هون منتجه للبساطة بنشر المعلومة أو فكرة النقاش أو حتى النكتة
    مانا بحاجة للتعقيد و إظهارنا للغير بأننا متفلسفين
    لأن في ناس بتتجه للفلسفة بردودها و مواضيعها قال للفت النظر
    و هيك ناس خابزينن و عاجنينن كتير

    أخر شي بشكرك ع تسجيلك بمنتدانا الأول في طرطوس و بكل فخر
    و بعيد و أفتق ... قلوبنا مفتوحة للجميع بلا استثناء ... و دليله وجود أعضاء كثر مميزين من جميع المحافظات و حتى الدول العربية

    و بقلك أنو عنجد معك حق ...... فالج لا تعالج .. بمعنى آخر

    سا man تو

    مُساهمة الخميس يوليو 08, 2010 4:57 pm من طرف سا man تو

    طولو بالكن شباب كل واحد الو رايو ....
    انا بشوف انو كلية طرطوس احسن من هارفرد ...
    وغيري بيشوف انو كلية طرطوس مدرسة ابتدائي ...
    كل واحد الو رايو والتاني لازم يحرم رايو ...
    avatar

    مُساهمة الخميس يوليو 08, 2010 6:07 pm من طرف محمود

    أنا بتشكر كل يلي رد على الموضوع
    وكل يلي نصحوا بأن يكون الرد والأجوبة موضوعية متل الأخ ETN-PANK حبيب القلب
    المهم
    الهدف من الموضوع كلو
    أنو سوية التعليم بصراحة غير مقنعة في طرطوس (سواء من حيث جهد الطالب أو جهد الدكتور)
    لأنو أنا انسان بعتبر نفسي شخص عادل أو بحب العدل
    ولما بسمع أنو طلاب طرطوس خص نص عم يتخرجوا بسهولة
    عن جد بنزعج وبتحز بقلبي
    يعني لحد الان طلاب طرطوس ما بيعرفوا يصمموا حلقة بحث(طلاب الاقتصاد )بينما بالشام الحلقة عليها 20 علامة
    وصدقوني كتير مفيدة
    بعدين عددكم قليل كتير مقارنة بالشام ولازم تكونوا أحسن من هيك
    يعني طلاب طرطوس ما بيستخدموا الانترنت بالدراسة بالاطلاع على المواضيع المحاسبية والاقتصادية الجديدة
    وحاصلاين همهم وفكرهم بالمنهاج والنجاح
    والعدد القليل يسمح للطلاب بالحصول على نوعية تعليم أفضل
    صدقوني أنتو عايشين بالجنة
    بس منكون حاسين
    طبعا وأنا بحمل الدكاترة المسؤولية
    لأنو يمكن ما بدون حدا يفهم أكتر منهم أو لسبب أخر
    يعني كتير مستاهلة يادكتور أنك تطلب دراسات ميدانية الها علاقة بالنوك والمؤسسات الاقتصادية بشكل عام
    وهي ما بتكلفة غير شوية جهد
    يعني حلو الطالب يتخرج وما بيعرف شي عن الواق العملي
    بينما بالشام الدراسات الميدانية شغالة
    المهم بتمنى على الطلاب تطرحو كل المراضيع الجديدة وتابعوا بجهد أكبر وتخلوا الدكاترة عن جد يفكروا بتطوير قدراتهم(بعض الدكاترة)
    يعني مثلا بسأل طالب اقتصاد شو بتعرف عن أزمة اليونان مثلا ما بيعرف
    اي عن جد حرام
    المهم مشكورين كتير
    وأهم شي ركزوا على كل شي جديد بالانترنت خصوصا
    وخلوا الدكاترة طايش حجرون كل ما ييجوا الى المحاضرة هلكوه بالاسئلة (مع أني بعرف ضمنا أنو بطرطوس ما حدا بيسأل يمكن خوف أو خجل؟)
    لا تضيعوا وقت
    ما بعرف أنا بعتذ أذا عم انصح حدا (يمكن تتفكروا حالكم صغار أو هيك شي)
    المهم لا تسلموا بنظرية أو قانون وضلوا انقدوا العلم لحتى توصلوا للحقيقة
    وما يكون همكم النجاح
    طبعا والمسؤولية الأكبر على الدكاترة
    وركزا على الانكليزي (مع أنوا المادة عندكن لا تقابن بانكليزية الشام)
    مع احترامي لكل الطلاب يلي ردوا وما ردوا
    عن جد النية صادقة
    وياريت تفهموا الحجانب الايجابي من الموضوع بس
    وشكرا
    المخلص المحب: محمود
    avatar

    مُساهمة الخميس يوليو 08, 2010 6:11 pm من طرف محمود

    بحبك يا طرطوس
    تحية الى كل الطلاب المتخرجين اللذين التحقوا بالجيش
    لأداء واجبهم الوطني وخصوصا طلاب طرطوس
    مع
    أني سمعت أنو كلهم بمدرسة المحاسبة والدفاع الجوي
    تحية الى أصدقائي في طرطوس
    وانشا الله
    منغير الوضع
    باييييييييييييييييييييي
    أحباء القلب
    Milad

    مُساهمة الجمعة يوليو 09, 2010 2:16 am من طرف Milad

    thank you big daddy !!!
    and be sure that Tartous's Students especially are monsters in the internet more than any universities' students in Syria my friend ... and this site is the clearest trace for that !!!
    any more advices ???
    MR HACKER

    مُساهمة الجمعة يوليو 09, 2010 9:13 pm من طرف MR HACKER

    والله يا حبيب شكلك مع ............ ما بعرف اذا بقول كامل احترامي لرايك اولا .............ز بس شكلك فعلا ما بتعرف
    لا الخمسة ولا الطمسة
    واعتذر من الكلية التي جعلتك متخرجا منها ومن طرطوس اذا كنت منها

    للاسف ما رح رد كتير ولا رح طول كرمال موضوع وكلام غير لائق و بالمعنى الادق تافه و خالي من الصحة
    روووح اسال على الاوائل بباقي الكليات ونسبة الطراطسة بيناتون

    بعدين اذا مو عاجبتك المناهج هون
    على الاقل هون مانك مضطر تنجح بالرشاوي متل باقي االكليات ومنها الشام

    بقا لما بدك تطلع مساؤى و محاسن تبقى اذكر كل شي يا حبيب ولا تنسى
    حاكم النسيان بخليك ما بتعرف شي متل حالتك هي
    للاسف شكلك متاسف كونك طرطوسي كمان
    ما بعرف .....هه

      الوقت/التاريخ الآن هو الإثنين أبريل 19, 2021 6:47 am