منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    stop ..... إعــــلان !!!

    Milad
    Milad
    جامعي ذهبي
    جامعي ذهبي

    ذكر
    عدد المساهمات : 2657
    العمر : 30
    المكان : Online
    المزاج : 3 = 1 + 1
    الدراسة : اقتصاد
    المستوى : 131
    نقاط : 4007
    تاريخ التسجيل : 19/10/2008
    21082010

    stop ..... إعــــلان !!! Empty stop ..... إعــــلان !!!

    مُساهمة من طرف Milad




    مواطن سوري عادي بطبعو رايق وهادي , من شغلو كتير تعبان وجاية عالبيت هلكان , وبعد ما اتغدى وحط راسو واتمدى , قام متل الحصان نشيط ومبسوط وفرحان , وقرر أنو يشغل التلفزيون ليشوف

    شي مسلسل ليروح عن نفسو هم الشغل والملل , وهو عم يقلب بهالمحطات شاف على قناة الدنيا { مسلسل بقعة ضوء بعد قليل } قال لحالو يالله والله هالمسلسل كتير ظريف وموضوعو دايما لطيف بيحكي

    عن الحياة السورية بعين ناقدة سياسية واجتماعية , وخطرت على بالو فكرة يقلب بالمحطات ليضيع الوقت ويرجع يشوف الحلقة , وبعد شوي رجع على قناة الدنيا وفعلا كانت شارة المسلسل بديانة {

    ياناس خلوني وحدي ومرتاح بالي } خلصت الشارة وحطو عنوان الحلقة {مسكين المواطن مسكين } وفجأة من غير سابق انذار بتنقطع الحلقة بكلمة stop / اعلان وبتبدا ملحمة الاعلانات السورية

    العظيمة أول اعلان كان: رز الريف على معدة خفيف , خلص هالاعلان من هون حس المواطن بنخزة صغيرة بقلبو من هون , وتاني اعلان كان : بدي كيس محارم ؟ ما إلك غير محارم ديلما , النخزة

    صارت أقوى , الاعلان التالت كان مسحوق غسيل برافو صديق البيئة للغسلات العادية والاوتوماتيكية , النخزة صارت قوية كتير كتير , وهون قامت المواطنة مرتو للمواطن وغيرت المحطة, لانو

    حست بأنو جوزها ح تجيه شي جلطة , وفعلا طلعت محطة أبو ظبي الاماراتية وهالمحطة معروفة بروعة اعلاناتها التجارية , وبلشت هالمواطنة والمواطن يتابعو هالمحطة وفجأة كمان بينقطع البرنامج

    بكلمة stop / اعلان والمفاجأة الكبرى بأنو أول اعلان كان سوري يلي هو : أنا ماركو بولو وهذه ستائري , ستائر جيكي واوا وماركوبولو وسفاري من سيدار , وبسرعة رجعت المواطنة المحطة على

    قناة الدنيا بركي بتكون خلصت الملحمة الاعلانية وكل هالمسخرة التجارية , بس لسة كان آخر اعلان بديان اعلان لشركة سيرياتيل اطمنت المواطنة لانو هالشركة اعلاناتها غير شكل لأنها شركة غير

    شكل يعني شركة اتصالات مو أكل وحفاضات , بس للأسف ظن المواطن والمواطنة ماطلع بمحلو لأنو كان الاعلان متل كل هالاعلانات

    وهون اخد المواطن المسكين الريمونت وطفا التلفزيون مهموم وحزين وقلها لمرتو : بلا ما تترملي صغيرة ويتيتموا ولادي وتصيروا عالحصيرة وبلا مانشوف بقعة ضوء مو حياتنا كلها بقعة بس
    بدون ضوء


    وهلأ أصدقائي حابة اطرح بعض الأسئلة للمسؤولين عن الاعلانات التجارية من مخرجين ومنتجين ومألفين

    1/ إذا لم نستطع أن نرتقي بمنتجاتنا وبقيت مقتصرة ومختصرة على العلكة والشيبس والحفائض الا ينبغي أن نرتقي بطريقة الاعلان لها؟

    2/ هل الاعلانات والدعايات السورية آخذة بمبدأ { كل ماكان الاعلان هابط كان سوقو ناطط , وكل ماكان الاعلان سخيف كان على القلب مهضوم وخفيف }؟

    3/ إذا كنا أخذنا من الغرب كل شي وأي شي وتعلمنا منهم السلبيات والايجابيات أليس حريا بنا ان نتعلم ونستفيد من طريقة اعلاناتهم ودعاياتهم وكلنا يعلم أو ربما يشاهد مستوى الاعلانات الغربية وكيف

    أن بعض الاعلانات يرصد لها مبالغ طائلة توازي أحيانا ميزانية فلم سينمائي؟

    4/ أليس لدينا كوادر بشرية من مخرجين وممثلين ومألفين قادرين على صناعة اعلان راقي؟

    5/ السؤال الاهم هل المواطن السوري على هذه الدرجة من السذاجة حتى يقوم المعلنون التجاريون باستسخاف عقله وذوقه بهذه الاعلانات السخيفة والمبتذلة

    أسئلة أطرحها باسمي واسمكم أصدقائي عسانا نجد حياة لمن ننادي

    عذرا إن أسأت أو أطلت

    سلاااااااااااااامي

    مُشاطرة هذه المقالة على: redditgoogle

    broken heart

    مُساهمة السبت أغسطس 21, 2010 1:00 am من طرف broken heart

    زكرتني باعلان
    شو ناعمة ناعمة ديك الجن
    للتضارة للسيارة
    احلى محارم ديك الجن
    هههههههههههههههههههه
    والله مسخرة بس شو بدنا نحكي...
    اكتر شي فينا نعملو انو نقلب المحطة لبين ماتخلص هالملحمة ع قولتك
    allii

    مُساهمة السبت أغسطس 21, 2010 1:31 am من طرف allii

    مستوى الاعلان عنا بالتصميم والاخراج والفكرة سييييييييييييء
    يعني الاعلانات سخيفة بطريقة مو طبيعية لدرجة بفكر اني راجع شي 10 سنين لورا

    يا جماعة الاعلان صار عم يدرس بالجامعات واغلى تكاليف الشركات صارت ع الاعلانات
    علم العصر يعني ونحنا لساتنا ع السهام ويا والاغاني الفاضية ..
    شركة سيرتيل وام تي ان اعلاناتن مرتبة ومدروسة وعندك شوي شركة كتاكيت
    اما الباقي صفر ع الشمال
    Ali Al-Kabeer

    مُساهمة السبت أغسطس 21, 2010 1:39 am من طرف Ali Al-Kabeer

    الصراحة أنا لاحظت أنو خفت إعلانات الشيبس والعلك وبلشت ديعايات المعامل وشركات الانتاج
    بصراحة صار في شوية أمل وع قولة بقعة ضوء
    مارح تزبط معك مافي حدا يسمعك لايصح إلا الصحيح هيك بيقول المتل خلي عندك أمل
    مشكور كتير ياميلاد ع الموضوع الراقي
    AdmiNaSiM

    مُساهمة السبت أغسطس 21, 2010 1:39 am من طرف AdmiNaSiM


    آآآآآآآآآآآآآآآخ يا ميلاد لك حطيت ايدك عالجرح ....

    أنا كنت ناوي قاطع تلفزيون الدنيا كرمال الإعلانات وأحضر الأرضية السورية ..

    معقول يا جماعة مسلسل مدته نص ساععة أو أكتر بشوي بيضل شي ساعة وربع عالدنيا !!!!!

    تخنوها كتير



    بس بنصحك تسمع أغنية لشو التغيير
    حلو الكلام

    مُساهمة السبت أغسطس 21, 2010 12:51 pm من طرف حلو الكلام

    كلووووووووووووووو منيح...........

    يعني ما رح نشتري ما رح نشتري (sad)

    ومعليش خلي التلفزيون يستفيد ولوووووووووووو


    مشكور Milad

    Tarek.m

    مُساهمة السبت أغسطس 21, 2010 2:50 pm من طرف Tarek.m

    اخخخخخخخخخخخخ

    شوبدنا نحكي الله بعين
    Alishoo-M

    مُساهمة الأحد أغسطس 22, 2010 5:04 am من طرف Alishoo-M

    ولك احلى شي والي بيجنني دعايات سيريا تيل نصب احتيال وسرقة وفوق كل هاد بتعمل دعايات شي مهزلة وشبيك لبيك وما بعرف شو

    عوجا والله عوجا لك حتى الوقت الي عم نقعد فية مع حالنا صارو بدون ينصبو علينا فية ويعبولنا اياه دعايات
    lady moon

    مُساهمة الأحد أغسطس 22, 2010 11:55 pm من طرف lady moon

    سيرياتل .. وماجي .. ومحارم .. ودوا غسيل ..
    بس يلي بيضحك أنو بتطلع تلات دعايات محارم ورا بعضهم وكل دعاية لنوع وشركة مختلفة ..
    وخمس دعايات مسحوق غسيل ..
    وعشرين دعاية محارم ..
    أما دعايات سيرياتل .. أووووووووووووووووووووه .. ممتدة إلى مالا نهاية ..
    بس بكل بساطة بس تطلع الدعاية بقطع صوت التلفزيون بالحال ..
    درءاً ووقايةً من مخاطر العصبية وارتفاع الضغط ..
    stop ..... إعــــلان !!! Icon_scratch
    أنوسة وبس

    مُساهمة الإثنين أغسطس 23, 2010 2:20 am من طرف أنوسة وبس

    كلو كفة ودعاية بهارات ووجبات الغوطة .............انا مبسوطه
    والله بس شوفا بحس صابني انهيار عصبي
    ولا دعايا ت العلكة
    ولك آآآآآآآآآآآآآآآآآآآآآآآخ
    شوبدنا نحكي لنحكي
    aziza

    مُساهمة الخميس أغسطس 26, 2010 9:15 am من طرف aziza

    لا بس احلى شي زنوبيا مع شدة عالنون
    الهدف
    هههههههههههههه
    الصراحة انا مو كتير عندي مشكلة بدعايات سوريا الا انو بتوجعني رقبتي عن هالبنات لان بكل الاعلانات بيضلو يهزو راسن
    Milad

    مُساهمة الثلاثاء أغسطس 31, 2010 4:07 am من طرف Milad

    مشكورين جميعا على روركم الجميل
    والله يمرق رمضان على خير و من دون جلطات أو سكتات قلبية من هالأدفيرتيزمينتز السيلي

    دمتم و دام صيامكم مقبولا

      الوقت/التاريخ الآن هو الثلاثاء أبريل 20, 2021 12:44 am