منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    هلوساتي اليومية ...!

    AdmiNaSiM
    AdmiNaSiM
    Admin

    ذكر
    عدد المساهمات : 5628
    العمر : 33
    المكان : بعيد عنك ..
    المزاج : كويس .!.
    الدراسة : اقتصاد
    السنة الدراسية : متخرج
    المستوى : 209
    نقاط : 7494
    تاريخ التسجيل : 08/08/2008
    27082010

    هلوساتي اليومية ...! Empty هلوساتي اليومية ...!

    مُساهمة من طرف AdmiNaSiM



    سأفسح المجال لنفسي

    سأترك بصمة كل يوم

    سأسميها هلوسة كي لا يعتب أحد عليّ ..

    ربما تكون عدة كلمات وربما صفحة ..

    لكنها ستستمر إلى ان يحين قَدَرها لتتوقف ..


    فتابعوني


    ======================================================
    مجموعة فور جامعة على الهوتميل

    صفحة فور جامعة على الفيس بوك
    لست عضواً في فور جامعة بعد !!! قم بالتسجيل هنا: Arrow

    من الصعب أن تحرر السذّج من الأغلال التي يبجلونها ... ( فولتير )
    مُشاطرة هذه المقالة على: redditgoogle

    Ali Al-Kabeer

    مُساهمة الجمعة أغسطس 27, 2010 3:24 am من طرف Ali Al-Kabeer

    حلو الواحد يترك لحالو فسحة يهلوس فيها على كيفو
    فيني شاركك بالهلوسة؟
    لأنو الحال من بعضو أخي
    هلوساتي اليومية ...! 364363
    allii

    مُساهمة الجمعة أغسطس 27, 2010 3:27 am من طرف allii

    ايوا يعني احتكرت الموضوع لحالك يا نسيم
    او منحط نحنا هلوساتنا كمان ؟؟
    vedodedo

    مُساهمة الجمعة أغسطس 27, 2010 3:28 am من طرف vedodedo

    انا رح شوف هلوساتك وهلوس معك

    انما الدنيا ثلاث سهر ومدام وندام
    AdmiNaSiM

    مُساهمة الجمعة أغسطس 27, 2010 3:42 am من طرف AdmiNaSiM



    من يود أن يهلوس فليشاركنا الهلوسة ..

    علي الكبير ، وعلي ، وفيدوديدو
    رح أنبسط لما بيكون في حدا عم يهلوس معي ..

    Alishoo-M

    مُساهمة الجمعة أغسطس 27, 2010 6:50 am من طرف Alishoo-M

    خلوني هلوس اول شي
    لسا ما اتخرجت وباقيلي ماده مو هون المشكله.....
    اهلي حبو يعملو تغيير بالببيت يعني يشيلو كم حيط ودهان الخ الخ....
    كمان هون مافي مشكله....
    بعد التخطيط والمشاورات

    بصحى بتاريخ 24 في الصباح الباكر على صوت الوالد (العده صارت جاهزه ... بتشيل هو ن وبتكسر هونيك و...و...و...)
    طبعا تمت العمليه بنجاح
    بس عم هلوس انو تاخد ايدي و تضيع خمس سنين وصير معلم باطون
    ما عم نام الليل من الهلوسه...
    زنوبيا

    مُساهمة الجمعة أغسطس 27, 2010 7:00 am من طرف زنوبيا

    حبيتا هي فكرة المشاركة بالهلوسة كونو كل نهارنا عم نهلوس
    عم هلوس بطرطوس مضطرة ارجع عليا بعد ما طلع موعد موادي ........
    روح المحبة

    مُساهمة الجمعة أغسطس 27, 2010 7:39 am من طرف روح المحبة

    انا عندي مادة
    عم هلوس فيها ليل نهار
    وحاسي اني مارح اتخرج بسببها
    AdmiNaSiM

    مُساهمة الجمعة أغسطس 27, 2010 7:07 pm من طرف AdmiNaSiM


    دوما تجتمع الظروف ضدي ..
    فأجتمع ضدها
    وأعاندها
    و أهزمها .
    علاء عباس

    مُساهمة الجمعة أغسطس 27, 2010 7:45 pm من طرف علاء عباس

    على سيرة الهلوسة في نوع من الصبار بينمو في الصحراء الاميركية ويسبب الهلوسة وبيتناولة الاطباء النفسيين مشان يعرفوا كيف بيشعر المريض يلي ميهلوس وشو بيشوف وشو بيسمع
    بقى اذا بدكن تهلوسوا عن جد فيكن توصوا على كم كيلو
    هلوساتي اليومية ...! 193386
    kareem el-cheikh

    مُساهمة السبت أغسطس 28, 2010 3:20 am من طرف kareem el-cheikh

    هلوسة::::

    ابو عصام داخل من الباب
    كنت عم احضر باب الحارة
    سألني و هوي كاشش و معصب.......لسة ما خلص؟!


    AdmiNaSiM

    مُساهمة السبت أغسطس 28, 2010 5:08 am من طرف AdmiNaSiM


    .
    له يا علاء ..
    نحنا مو بحاجة عقاقير بتسبب الهلوسة ، وإذا حطينا ببالنا فينا نصدر شوي من اللي عنا ..


    كريييييييييم :
    هههههههههههههه بربي ضحكتني ، قلتلي لسا ما خلص آه
    !!!
    kareem el-cheikh

    مُساهمة الأحد أغسطس 29, 2010 2:02 am من طرف kareem el-cheikh

    هلوسة:::

    حط عالاورينت في وراء الشمس
    لا لا حط عالدنيا في بقعة ضوء 7
    لا ولوووو عالفضائية السورية ما ملكت أيمانكم
    خلص هات هالجهاز رح حط عالجديد طالع خبز الحرام
    حط عال إم بي سي باب الحارة 5
    خلص الانفنتي و الدبور
    رجعا عالاورينت طالع جودي و أسعد (ضيعة ضايعة)
    لا في ذاكرة الجسد عأبو ظبي رائع (واحد مثقف)
    حط عالبغدادية طالع السائرون نيام
    شيل ولوو و رجعا عالفضائية لعنة الطين
    لا في عنيل دراما زهرة و أزواجها الخمسة
    .
    .
    .
    .
    .
    .


    و فجأة يدق مدفع الافطار و يذهب كلٌ إلى طعامه!!
    Ali Al-Kabeer

    مُساهمة الأحد أغسطس 29, 2010 2:30 am من طرف Ali Al-Kabeer

    يعني مابدك؟؟؟؟
    بس أنا كان بدي.......طيب....طيب ليش؟
    هادا صار من البديهيات بالنسبة إلنا........ليش مابدك؟
    جاوبنيني.........جاوبيني أحسن ما أقتلك..........ولك بدي أقتلك
    لأ ....... خلص هي آخر مرة ......سامحيني
    نسيم الروح

    مُساهمة الأحد أغسطس 29, 2010 4:13 am من طرف نسيم الروح


    هلوسة ::

    ركبت الأسعار أجنحة وحلقت إلى ما وراء الشمس
    صارت اللقمة الهم الأول لنا ، فلا تقل لي يا صديقي المثقف مرة أخرى ( اقرأ ) ، فليس معي ثمن الكتاب .

    هلوساتي اليومية ...! 114783
    نسيم الروح

    مُساهمة الأحد أغسطس 29, 2010 8:47 pm من طرف نسيم الروح





    هلوسة ::

    فقت الصبح ورحت آخد سرفيس مشان أنزل عالكلية ، أشرت للسرفيس فنزل الراكب اللي جنب الشوفير وقعدني جنبو ..
    السرفيس كان مكيف ، والشوفير كان لابس ملابس رسمية ونازل عالشغل وكان حاطط موسيقا هادئة !!

    !!
    تلك كانت هلوسة ..

    والحقيقة :
    أشرت لرابع سرفيس بيجي فوقف بعدي بشي 10 أمتار ، ركضت وراه ولحقت حالي بمحل ما في غيرو جنب الشوفير ..
    الشوفير عم يحكي مع اللي جنبي واللي محسوبكن صاير بيناتن :
    - والله يا زلمي من الصبح جايي عبالي اشرب ، فقت من الصبح وريقي ناشف .
    الشخص الآخر : اي اشرب

    انا قلت لحالي هاد أكيد صايم وعم يقاوم الجوع والعطش بهالشغل الصعب .

    الشوفير : شربت مي وشربت قهوة ، وما مشي الحال ، شكلا الشغلة بدها متة .
    المشهد الأخير الذي رايته :
    الشوفير وصديقه يدخنان .!!

    هلوساتي اليومية ...! 858140
    kareem el-cheikh

    مُساهمة الإثنين أغسطس 30, 2010 1:01 am من طرف kareem el-cheikh

    (في السيرياتل)

    كان الدور على 370 و انا دوري 454 و لازم ادفع الفاتورة

    هلوسة::
    الصوت الآلي: رقم 371 انتظر رقم 454 حتى يدفع قبلك .. شباك 4



    حقيقة::
    الصوت الآلي: رقم 371 ... شباك 4


    انتظر ساعة ونص على فكرة

    broken heart

    مُساهمة الإثنين أغسطس 30, 2010 3:57 am من طرف broken heart

    هلق عنجد هيي عملت فيي هيك ولا انا مزودتها شوي
    بس انا حسيت بهالشي وياريت ماحسيت
    وياريت ماانتبهت بس عالقليلة صرت بعرف
    ولك اخخخ
    والله زعلت من قلبي...
    زهر الجلنار

    مُساهمة الإثنين أغسطس 30, 2010 4:03 am من طرف زهر الجلنار

    لك افففففففففففففففف
    لسا كل يوم بسأل حالي لشو هيك وماعميطلع معي شي...
    انو هالموضوع مجنني
    وعبس يطلع معي جواب...
    طيب ماشي بدي جواب وبس جواب مقنع لشو لشو لشو (sad)
    allii

    مُساهمة الإثنين أغسطس 30, 2010 7:47 pm من طرف allii

    رحت لعند جماعة ع الافطار ولما فتنا
    كان فيه شي 12 واحد وصرنا نسلم عكل واحد شي مصافحة وشي عادي
    وفطرنا ورجعنا
    تلفون ضروري الو : علي انا زعلانة منك ...ولك ليش ما سلمت ع ام فلان !!!!
    ؟؟؟ انا ...شو ...ما سلمت ...اي والله هيي مدت ايدها الك وانت كفيت وما سلمت ؟؟؟!!!
    طلع معها السكري وراحت ع المشفى بعد ما رحت
    وزعلت وصارت تسال حالها ....

    جوابي ..عفوا نسيت ...!!!!!!!
    broken heart

    مُساهمة الثلاثاء أغسطس 31, 2010 12:32 am من طرف broken heart

    يمكن اللي صار كان متوقع بعد كل هالسنين..
    بس كنت كزب ع حالي وقول اي مو معقول...
    طلع معقول ومشي الحال
    صعب استوعب...صعب انسى...لانو هالشي صار قدامي
    ياريت ماكنت وسمعت سمع بس
    حظ سيء...حظ سيء
    kareem el-cheikh

    مُساهمة الثلاثاء أغسطس 31, 2010 3:14 am من طرف kareem el-cheikh

    (الجو العام للهلوسة)
    دقات قلب صوتها آخذ بالارتفاع
    صوت ساعة تك ... تاك ... تك ... تاك .......
    شخصان يهمهمان بكلام غير مفهوم
    نقود معدنية تسقط على الأرض
    شخص يضحك ... يقهقه..
    طائرة مروحية تمر من قرب النافذة و تبتعد
    شخص يصرخ
    ثم ..... لاشيء!

    الهلوسة::::
    تنفس و اشهق الهواء
    لا تخف من القلق
    ارحل و لكن لا تتركني
    تجول و اختر لنفسك مكان
    مهما عشت طويلا و مهما حلقت عاليا
    ابتساماتك التي تبتسمها و دموعك التي تبكيها
    كل ما تلمس و كل ما ترى
    هو كل ما ستكون حياتك عليه

    اركض ايها الأرنب اركض
    احفر حفرة وانسى الشمس
    وعندما تنتهي من عملك
    لاترتح فهو الوقت لحفر حفرة أخرى
    مهما عشت طويلا و مهما حلقت عاليا
    فأنت في الوقت المناسب
    متوازن على أكبر موجة
    تتسابق نحو قبر و موت مبكر

    !!!!!!!!!!!!!!!!!!!!!!!!!!!!!!!!! هلوساتي اليومية ...! Suspect !!!!!!!!!!!!!!!!!!!!!!!!!!!!!!!!

    الحقيقة:::
    لا يوجد جانب مظلم للقمر
    فهو كله مظلم


    ""قد يكون مقتبس""
    Milad

    مُساهمة الثلاثاء أغسطس 31, 2010 4:56 am من طرف Milad

    هلوسة :

    يسأل أحد ما شخص ما ... هنا في المنتدى تحديدا
    و على علبة الدردشة

    و بعد انتهاء حديثهما المطول عن تطقيق الحنك ..


    فلان 1 : وصينا يا معلم
    فلان 2 : سلامتك يا غالي بس بدي منك ..
    فلان 2 : صدر كنافة ساخن ..
    فلان 1 : تكرم عينك
    فلان 2 : و صدر حبش مشوي ..
    فلان 1 : عراسي .. غيرو ؟؟
    فلان 2 : صدر أنجلينا جولي ....
    فلان 1 : شووووووووووووو ؟؟؟؟!!!!
    .

    .
    .
    .
    ثم شطفت الدردشة و خرجت بسلام
    vedodedo

    مُساهمة الثلاثاء أغسطس 31, 2010 11:44 pm من طرف vedodedo

    انا عندي مشكلة وحدة بس كبيرة
    رسبان سنة وعندي 17 مادة يعني اكيد رسبان التانية
    ومالي نفس عالدراسة بعدما تركتها سنتين شو اعمل
    عم هلوس بالمواد من دون ما اعرف شوفيون
    لانو الرقم بكفي للهلوسة
    ياريت فيكون تعطوني نصيحة او حل
    broken heart

    مُساهمة الأربعاء سبتمبر 01, 2010 12:34 am من طرف broken heart

    بروح ولا ما بروح بروح ولا مابروح
    اي شو بعرفني

      الوقت/التاريخ الآن هو الجمعة أبريل 23, 2021 8:43 pm