منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    مجرد طفل .........!!!

    AdmiNaSiM
    AdmiNaSiM
    Admin

    ذكر
    عدد المساهمات : 5628
    العمر : 33
    المكان : بعيد عنك ..
    المزاج : كويس .!.
    الدراسة : اقتصاد
    السنة الدراسية : متخرج
    المستوى : 209
    نقاط : 7494
    تاريخ التسجيل : 08/08/2008
    11092010

    مجرد طفل .........!!! Empty مجرد طفل .........!!!

    مُساهمة من طرف AdmiNaSiM



    هي: شايف على عمايل الإسرائيلين..
    هو: مشان الله غيري لنا هالموضوع المعت.. بلاها الحكي بالسياسة

    هي: عن شو بدي أحكي لكان؟!..
    هو: عن أي شي.. عن الطفولة مثلاً..
    هي: آه والله.. جاي ع بالي أرجع بنت صغيرة.. وعيش هيك متل ولاد الأغنياء والمدعومين..
    هو: ليش بقى؟!..
    هي: ما في أحلى من الطفولة.. براءة.. ولطافة.. وحلاوة..
    هو: هلأ هيك صارت الطفولة.. أي في ولاد بيعوفوك حياتك من قد ما هنن غلاظ وتقلا..
    هي: هَي معك حق فيها.. لأ وشو أهلهم بيشوفوهم أحلى وأذكى أولاد بالعالم..
    هو: بتلاقي الضيوف دخلوا ع البيت وقعدوا.. وبعد شوي بيجي الأب والأم أصحاب البيت وبيجيبوا ابنهم الغليظ مشان يستعرض مواهبه قدام الضيوف..
    هي: وبيكون خجلان أول الشي.. بس الضيوف اللي عم بيزنوا على خراب عشهم بيشجعوه.. لحتى يبلش..
    هو: وبيبلش..
    هي: بيسلخهم نشيدة أول شي..
    هو: بيقوموا الضيوف بيصفقوا له.. وبيبوسوه.. وبيدقوا ع الخشب.. وبيصلوا ع النبي.. وهي اللي بتفتح تمها وبتقول ياي ياي شو مهضوم.. وهاد اللي بيقول.. يسلملي شو أكبر من عمره..
    هي: فـ.. بيتحمَّس الولد الثقيل وبيسلخهم غنية هالمرة..
    هو: أخاصمك آه.. وبيصير يقلِّد نانسي عجرم..
    هي: قام الضيوف بيفرطوا من الضحك وبيتعصوروا مشان يطلعوا الضحكة..
    هو: وعلى ياي شو لذيذ.. وبيعقد.. وعلى بوسة من هون وقرصة من هون.. مشان يوقف..
    هي: لأنه خلص.. بيكفي..

    هو: وبتكون الخدامة جهَّزت الطاولة وقالت الأم للضيوف يشرفوا..
    هي: بيقوموا بيشرفوا.. وبيقولوا للولد.. يا لله حبيبي تعال كول معنا مشان تنام..
    هو: قام الولد بيقل له للضيف اخرس.. يا غليظ.. بيقوموا الضيوف بيضحكوا.. وبيصير الأب يقول للضيف.. حبك.. لو مو حابك ما بيقلك أخرس..
    هي: قام الضيف بيرد له المحبة للولد وبيقعده بحضنه وبيلعب له بشعراته..
    هو: طبعاً الطفل المهضوم رح يقله قيم إيدك عن شعراتي يا وسخ..
    هي: وبيضحكوا أبوه وأمه على ظرافته..
    هو: بس الأب بيقول للضيف وهو ميت من الضحك.. حبك.. خلص حبك..

    هي: وفجأة.. بينزل الولد من حضنه للضيف وبيشده من الكرافة تبعه.. وبيسحبه.. لحتى يخليه ينزل ع الأرض ويمشي على أربعة..
    هو: لأنو الزغير حبه.. وطبعاً رح يركب الزغير على ظهره للضيف.. ويقله حا..
    هي: والضيوف؟!..
    هو: بيكون جمدوا.. لامن تمهم ولا من كمهم.. وكل واحد عم بيقول لحاله.. منيح اللي ما كنت أنا..
    هي: وأبوه وأمه بيكونوا مبسوطين وعم يقولوا لأبنهم يحرئ حريشك شو ملعون..
    هو: والأب تحديداً عم يقله للضيف.. حبك.. العمى شو حبك..
    بعد تفكير وتنهدات
    هي: ما بتحس الولد الغليظ هادا بيشبه إسرائيل.. أبداً إسرائيل خنطق منطق..
    مؤيّداً
    هو: وأبوه وأمه اللي عم يقولوا له برافو بيذكروك بأمريكا..
    هي: والضيوف.. بشو بيذكروك..

    ؟؟؟!

    ... لقمان ديركي ...


    ======================================================
    مجموعة فور جامعة على الهوتميل

    صفحة فور جامعة على الفيس بوك
    لست عضواً في فور جامعة بعد !!! قم بالتسجيل هنا: Arrow

    من الصعب أن تحرر السذّج من الأغلال التي يبجلونها ... ( فولتير )
    مُشاطرة هذه المقالة على: redditgoogle

    allii

    مُساهمة السبت سبتمبر 11, 2010 4:03 am من طرف allii

    حلوة المقالة وحلو معناها وتركيبات الجمل
    مشكووور نسيم
    روح المحبة

    مُساهمة الأحد سبتمبر 12, 2010 1:35 am من طرف روح المحبة

    كتير حلوة
    مشكور نسيمو
    زهرة الشمس

    مُساهمة الجمعة أغسطس 12, 2011 1:50 am من طرف زهرة الشمس

    شكرا على الموضوع حلو كتير
    avatar

    مُساهمة الجمعة أغسطس 12, 2011 8:15 am من طرف Dark man

    مشكور كتير الموضوع حلو
    Alishoo-M

    مُساهمة الجمعة أغسطس 12, 2011 3:42 pm من طرف Alishoo-M

    لك طفل ولوووووووو شبك ما بيصير تشبهو بإسرائيل
    lady moon

    مُساهمة الجمعة أغسطس 12, 2011 3:48 pm من طرف lady moon

    رائعة
    رائعة جدا"
    ترميز قوي و قوي و قوي
    أعجبني ..

      الوقت/التاريخ الآن هو الثلاثاء أبريل 20, 2021 1:30 am