منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    الواسطة

    سا man تو
    سا man تو
    مشرف منتدى الأغاني والموسيقا

    ذكر
    عدد المساهمات : 3843
    العمر : 34
    المكان : Syria
    المزاج : عال العال
    الدراسة : اقتصاد
    السنة الدراسية : متخرج
    المستوى : 45
    نقاط : 4338
    تاريخ التسجيل : 08/02/2009
    09022011

    الواسطة  Empty الواسطة

    مُساهمة من طرف سا man تو

    موضوع وواقع نحنا عايشين فيه
    وهو ابن مسؤول وانا ابن شخص عادي
    وين ما رحنا بهالايام فيه هيك شخصيات
    اذا بدك تقدم ع وظيفة اول شي لازم يكون
    عندك واسطة درجة ممتازة
    اذا كنت بعملك وناجح وما الك واسطة
    ماحدا بيعبرك ولا بيهتم لنجاحك
    لان ما حدا داعمك
    اذا كنت شخص سيء بعملك
    وكان الك واسطة مسموح الك اي شيء
    وانت المميز والنمبر ون
    اذا حضرت اي اجتماع او مناسبة اجتماعية
    وكان فيه ابن او شخص مسؤول الكل بدو رضاه
    وطبعا المكان الفخم الو
    وانت ع الهامش بغض النظر عن مؤهلاتك العلمية
    ولو كان شحاد بس مصاريه كتار
    وانت دكتور بس ما عندك مصاري
    باي باي حبيب
    عندي استفسسارات كتار
    بس راح احصرها بكم سؤال



    ليش تعامل الناس صار مادي لابعد الحدود
    ليش الناس ما عادت تهمها اخلاقك وتربيتك
    ليش بطل الرجال ينربط من كلمتو
    ليش مسموح كل شي للغني
    وبالمقابل ولا شي للفقير
    والسؤال الاهم
    ليش الواسطة من خلال مصاريها قادرة تحل اكبر مشكلة لطرفها وحتى لو كان الغلط راكبها من اساسها لراسها
    مُشاطرة هذه المقالة على: redditgoogle

    soraya

    مُساهمة الأربعاء فبراير 09, 2011 1:42 pm من طرف soraya

    الواســــطة ..!!
    الإســتعانة بأحدهــم للحصــول على شيء مـا أحيــاناً "حــقّ" وهنــا الفــاجعة , و أحيــاناً ليس حــقّ وهــذا هــو الظلــم ..


    عدل سابقا من قبل soraya في الأربعاء فبراير 09, 2011 3:22 pm عدل 1 مرات
    lady moon

    مُساهمة الأربعاء فبراير 09, 2011 2:47 pm من طرف lady moon

    معك فرنك بتسوى فرنك , ما معك شي ما بتسوى شي" .. "
    هاد المثل الدارج هالأيام وبكثرة ..
    وهذا سبب الفشل ..
    فنرى الرجل المناسب في المكان غير المناسب ..
    واحد دارس هندسة وعم يعلم بالمدرسة !!!..
    تصوروا يا جماعة ..
    شو جاب لجاب !!..

    الواسطة قادرة تحل كل شي .. ع تسأل ليش ؟؟!!..
    اذا عندك واسطة بتمشي , اذا ما عندك رح توقف كتيـــــــر ..
    هاد واقع .. سببه هوَ سيطرة الحالة المادية على نظرة الناس للناس ..
    وبالتالي يلي ما عندو واسطة قليل حدا يشوفو ..
    مع انو ان خليت خربت ..
    وبيبقى في ناس بتهتم بالمضمون ..
    ولكن للأسف الصالح عم يروح بالطالح ..

    شكراً ساتو لطرحكَ الواقعي .. وأهلاً بعودتك ..
    kavkazforever

    مُساهمة الأربعاء فبراير 09, 2011 6:47 pm من طرف kavkazforever

    شكر ا لهل الموضوع الحلو
    بس اذا المجتمع هيك انت ما فينك تغيرو
    مثلا انا بعرف اشخاص بيقبضوا معاشات من الدولة
    بدون ما يداوموا وفي متلن كتير بقطاعات الدولة المختلفة
    واذا سألتو ليش وماليش؟
    بيقلك :اي كل الناس عم تقبض وقفت عليي أنا
    بقى احسن شي يكون عندك واسطة او تصير أنت الواسطة
    إذا كنت مرسلا في حاجة
    وأنت بها كلف مغرم
    فأرسل حكيما ولاتوصه
    وذاك الحكيم هو الدرهم
    زهر الجلنار

    مُساهمة الجمعة فبراير 11, 2011 3:23 am من طرف زهر الجلنار

    للأسف الحقيقة مرة والواقع بشع.!!!!
    فعلا الواسطة صارت(لغة هالأيام) أو بالأحرى وقود هالحياة....!!!
    وهالشغلة عمتخلي موازين الحياة منقلبة رأسا على عقب يا ساتو....
    حتى نحنا الي منحارب هالشي وما منحبو منكون مجبرين بلحظة من هاللحظات إنو نلجأ(للواسطة)للأسف...
    ما متمنى غير يتحسن هالواقع ويصير كل شي (طبيعي)بلاشي.!!!!!!
    شكـــــــر كبير لطرحك صديقي
    salam
    حمادة

    مُساهمة السبت فبراير 12, 2011 9:27 pm من طرف حمادة

    متل ما قالت الأخت زهر الجلنار
    حقيقة مرة !!!!!!!!!!!!!!!!!!!!!!!!!!!
    AdmiNaSiM

    مُساهمة الثلاثاء فبراير 15, 2011 10:51 am من طرف AdmiNaSiM

    يعني انت يا ساتو عم تطرح أسئلة كبيرة ومرتبطة بثقافة مجتمع صارت متأصلة فينا .. بذاتنا وبعاداتنا ..
    ويمكن صعب تتغير

    لذلك ما إلك إلا أنو تزيد معارفك و ( واسطاتك ) لحتى يمشي حالك بدنيا ( للواسطات ) ..

    الواسطة  114783

      الوقت/التاريخ الآن هو الإثنين أبريل 19, 2021 10:44 pm