منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    نقليات القدموس .. يا ويل !!!

    AdmiNaSiM
    AdmiNaSiM
    Admin

    ذكر
    عدد المساهمات : 5628
    العمر : 33
    المكان : بعيد عنك ..
    المزاج : كويس .!.
    الدراسة : اقتصاد
    السنة الدراسية : متخرج
    المستوى : 209
    نقاط : 7494
    تاريخ التسجيل : 08/08/2008
    02112011

    نقليات القدموس .. يا ويل !!! Empty نقليات القدموس .. يا ويل !!!

    مُساهمة من طرف AdmiNaSiM



    اليوم وأنا جاي من السفر ..
    كنت جاي من حمص يعني عطرطوس

    ما منشوف غير بولمان القدموس وقف عند جسر الباسل .. وقال الشوفير : الحمد لله عالسلامة يا شباب ..

    نحنا صرنا نطلع هيك ببعض : شو مشان ؟؟ وصلنا ؟!!

    قال الشوفير : منيح وصلنا لهون .. يلا شرفوا انزلوا وكل واحد يدبر حالو ..

    - لك يا ابن الحلال .. دبرها ولو ، شو هالحكي هاد ...!!!
    بس فالج لا تعالج ..

    نزلنا وإجو جماعة شوفيرية التكاسي وبلشوا .. شي 200 ليرة .. وشي 150 لحتى نكفي الطريق عطرطوس ..

    السؤال هو : أنو هل أنا مجبور أتحمل أخطاء شركة متل القدموس ما بتحترم حالها وما بتحترم ركابها ، ووين الحسيب والرقيب على قطاع النقل وتحديداً بطرطوس لأنو الأمور فلتانة .. والمنافسة شبه معدومة ...

    بتمنى النظر بالأمر .. ممن يهمه الأمر


    ======================================================
    مجموعة فور جامعة على الهوتميل

    صفحة فور جامعة على الفيس بوك
    لست عضواً في فور جامعة بعد !!! قم بالتسجيل هنا: Arrow

    من الصعب أن تحرر السذّج من الأغلال التي يبجلونها ... ( فولتير )
    مُشاطرة هذه المقالة على: redditgoogle

    allii

    مُساهمة الخميس نوفمبر 03, 2011 12:51 am من طرف allii

    خيي نسيم بكلمة لمدير المركز بتخرب بيتو للشوفير
    لو حدا هددوا انو بدو يشتكي عليه كان كفا ع الكراج
    Alishoo-M

    مُساهمة الخميس نوفمبر 03, 2011 1:47 am من طرف Alishoo-M

    نقليات القدموس وضعها تمشاية حال فقط لاغير ....
    بهدلة .... البهادل
    لا احترام للراكب ولا للمواعيد ..ولا في نظام بقطع النذاكر ..واذا بعدلك ما بخلص ...
    بس بالنهاية ...مافي غيرها ..ز ومافي حدا بيتجرأ يفتح نقليات مشابههة لحتى انقول انو في منافسة بسوق النقل ...
    اما بالنسبة للرقابة فإنسى حبيب هاد السؤال اذا بدنا انبلش فية ما مننتهي من الأسئلة
    ahmad alfaisal

    مُساهمة الخميس نوفمبر 03, 2011 12:57 pm من طرف ahmad alfaisal

    كتر خير الله في هالشركة عم تاخدنا وعم تجيبنا ع طرطوس
    بس من الاخر هي شركة فاشلة جدا بكل ما تحمله الكلمة من معنى
    الوعد الصادق

    مُساهمة الخميس نوفمبر 03, 2011 7:51 pm من طرف الوعد الصادق

    هي فزلكة شوفير ..... ولوووووووو العالم عمتموت ولسا في ناس ضميرها ما صحي
    lady moon

    مُساهمة الخميس نوفمبر 03, 2011 9:26 pm من طرف lady moon

    عوجا
    لا تتفاجأ إذا شفت هالشوفير بشي مظاهرة هون أو هون عم يطالب بإصلاح ..!!
    0_0
    AdmiNaSiM

    مُساهمة الجمعة نوفمبر 04, 2011 6:12 pm من طرف AdmiNaSiM



    يعني هي مو أول حالة بالقدموس ... في متلها متايل ..

    والله يعين ..
    mousa00

    مُساهمة الجمعة نوفمبر 04, 2011 6:28 pm من طرف mousa00

    والله القدموس قصتو قصة صاير مافيا عسوق النقل بطرطوس ولازم هالشي يلاقولو حل وباسرع وقت لأن القدموس صاير فاشل وما في غيو غير شركة وحيدة وما عندها هالباصات
    تربية معلم صف

    مُساهمة الأحد نوفمبر 06, 2011 10:25 pm من طرف تربية معلم صف

    والله القدموس شغلتو شغلة . يعني ياشباب صارت تلات رباع رحلاتو ع طرطوس رجال أعمال لأنو ماشاء اله مافيه غيرو !!!!!!!!!
    والموظف ان شاء الله ستين عمرو المهم يدفع اجرة رجال أعمال حتى يضمن وصلتو ع البيت ضمن الوقت المحدد بدون تأخير ع الطريق .
    رحلة القدموس العادية بدها شي اربع خمس ساعات ع طريق الشام علما انه الوقت الطبيعي مابيتجاوز تلات ساعات وهيك بالأهلية
    .يعني الأهلية تشكر لأنه فيه اهتمام بالناس وبالركاب بس القدموس أخر همهم الراكب
    السنة الماضية عطلت فينا تلات رحلات وبقينا ست ساعات ع الطريق

    يعني ياهيك الرحلات يابلا ووين بطلعة التانا يا يعني منطقة شبه صحراء!!!!!!!!!و ع العيد لازم تحجز

      الوقت/التاريخ الآن هو الجمعة أبريل 23, 2021 8:36 pm