منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    حدا...؟

    Alishoo-M
    Alishoo-M
    مشرف عام

    ذكر
    عدد المساهمات : 4933
    العمر : 33
    المكان : فسحة سماوية/طرطوسية
    المزاج : والله ...حسب !!!
    الدراسة : اقتصاد
    السنة الدراسية : متخرج
    المستوى : 138
    نقاط : 6070
    تاريخ التسجيل : 11/10/2008
    20042012

    حدا...؟ Empty حدا...؟

    مُساهمة من طرف Alishoo-M

    حدا ..

    الصبح بكير .. و لسه الشمس عم تفرك عيونها لتصحصح .. متلي

    برد كتير عم يتقاتل مع دفا تختي ليجبرني فيق ..
    ودعت بطانيتي و سلمت بجفاصة بإيديي ع المي الباردة و ردتلي بكف ع وجهي كعقوبة ..!!
    و بعد فنجان شاي عم يغني ناطرني ل ندندن سوا فيروز (سأل الحلو) .. نزلت من البيت ..

    بطرف هداك الشارع ، حدا ، عم يعيط للشمس تعي بسرعة بردااان ، و جنبه تنكة
    حطب عم تحرق ذكرياته معاها و هالنار مليانة شوق لحضن أمه أو
    بوسة ابنه أو ضحكة أمه .. مدري جوعان ، تعبان،زعلان مدري نسي أي شعور بعد ما صار الزهد بروحه من مسلمات الأمور ..
    و هالبارودة المتكية جنبه ناطرة أمر لتحكي ، بس طول هالأمر و نست البارودة حالا بهالغدر و اليأس ..

    و ركبت سيارتي .. و شغلت الراديو .. و أول جملة طلعت : "أحب دمشق"
    و دارت الدواليب بكسل .. و صرت جنبه ل هالحدا .. ما خاف !
    ما اتحرك !
    شفت بعيونه موت منتظره بأي لحظة .. صبحت عليه و اتمنيته يدفا بمحبتي ..
    ردلي بإيد زعلانة ، نفسا هي الإيد يلي رح تدافع عني بسعادة و رضى ..
    و رحت ..
    و ماعاد أعرف اذا برجع أنا أو بيبقى هوي ..

    إي هيك صرنا .. عمرنا لحظة ..
    مدري لحظة وداع لحدا .. مدري لحظة حدا رح يودعنا
    ..

    منقول


    ======================================================



    تابعونا في صفحة اقتصاديوسوريا على الفيس بوك
    مُشاطرة هذه المقالة على: redditgoogle

    تربية معلم صف

    مُساهمة الجمعة أبريل 20, 2012 3:17 am من طرف تربية معلم صف

    هاد الحدا هو نفسه الحدا اللي وصل سوريا بعزيمته وصبره وصموده لهون .
    mousa00

    مُساهمة الجمعة أبريل 20, 2012 3:19 am من طرف mousa00

    صارت الحياة عبارة عن لحظة وما بتعرف ايمت بتخلص هاللحظة

    مشكور عليشو
    lady moon

    مُساهمة الجمعة أبريل 20, 2012 11:52 am من طرف lady moon

    هالحدا , هوي يلي عطى الأمان لكل حدا فينا ..
    هالحدا , هوي يلي علّم ,حدا قطر, كيف بيكونوا الرجال ..!

    مشكور جداً للنقل ..
    Zeinab.A

    مُساهمة السبت أبريل 21, 2012 1:49 pm من طرف Zeinab.A

    هاد الحدا نفسو يلي منتمنى كل يوم نقبل جبينو و هاد الحدا هو نفسو يلي كل يوم مننحني اجلالا لتضحياتو............
    يعطيك العافية أليشو .


      الوقت/التاريخ الآن هو الثلاثاء أبريل 20, 2021 12:19 am