منتدى فور جامعة 4jam3a - طلاب كلية اقتصاد طرطوس

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الطلابي الأول في طرطوس .. والحاضر يعلم الغايب


    التقنين ... والشفط .... دبابيس الكهربا ...

    سا man تو
    سا man تو
    مشرف منتدى الأغاني والموسيقا

    ذكر
    عدد المساهمات : 3843
    العمر : 34
    المكان : Syria
    المزاج : عال العال
    الدراسة : اقتصاد
    السنة الدراسية : متخرج
    المستوى : 45
    نقاط : 4338
    تاريخ التسجيل : 08/02/2009
    21072009

    التقنين ... والشفط .... دبابيس الكهربا ... Empty التقنين ... والشفط .... دبابيس الكهربا ...

    مُساهمة من طرف سا man تو


    سلام اخواتي واخواني ..

    اليوم الدبوس بيتناول موضوع تقنين الكهربا ...

    نحنا يا اخوتي بمدينة اسمها الدريكيش ...
    ضخمة وتعداد سكانها كبير ووو بس في عنا مشكلة صغيرة ..
    انن بيقطعو الكهربا بحجة التقنين ..
    بلشو بنص ساعة باليوم بعدين ساعة بعدين ساعتين والحبل عالجرار ...
    وايمتا بتنقطع باهم وقت باليوم واللي كل الناس بحاجتها ...
    الساعة 2 وبتخلص 4
    لاتنسو انو 2 فلتة موظفين واهم شي لشغل المحلات ..
    وخصوصا اللي بيعتمد عالبرادات ...
    والناس بدها ترتاح ببيوتها لامراوح لا مكيفات ...
    وايمتا 2 الضهر ..
    طبعا مدير المنطقة ورئيس البلدية ووووو جاي عندن 24\24
    طبعا لانن بحاجتها منشان ينامو بعد الشغل .. عهوا المكيف ..
    ونحنا العين تطرقنا بالناقص ...
    وين الاذى اذا قطعوها وش الصبح يعني من ال 4 الصبح لل 6 الصبح بيكون برودات ومفي شي ...
    بس لا اذا مخلو العالم تكفر ما بيمشي الحال بعدين ليش هالتفرقة بالتقنين ليش هون نص ساعة وهون ساعتين يمكن في شي مسؤول هون او نائب مدير هونيك ..
    ونحنا لجهنم ...
    شغلة اخيرة ..
    الحجة انو عم نعطي لبنان كهربا ...
    عفوا يعني محدا يتهمني بقلة الوطنية .. بس ياترى عم نعطي لبنان المصاري ومنعمرن قرى ومنساعدهن بكلشي حتى بالكهربا وما بيبادلونا الا بالمسبات والشتايم ..
    بقا نحنا احق بالكهربا من غيرنا ...
    واذا بدو يتطبق التقنين يتطبق عالكل ...
    مو خيار وفقوس ...
    نخز خيو نخز ... دبابيس ..


    ملاحظة كل مانقطعت الكهربا بتطلع بالثانية الوحدة 60000 مسبة لمين مبعرف ..
    والنخز هون الي بكتبو مو بس عليي لا كمان عالناس ...
    مُشاطرة هذه المقالة على: redditgoogle

    نسيم الروح

    مُساهمة الأربعاء يوليو 22, 2009 12:24 am من طرف نسيم الروح

    الله عليك يا ساتو مان .. دائماً مواضيعك ضاربة بشرش الواقع ..

    متل ما قلت لو التقنين يكون بغير هالوقت ... ولو نوقف هالكرم الزائد مع الشقيقة يمكن ما كان صار هيك ..

    بس بتعرف أحسن شي نعمله شي مفاعل نووي بيولد كهرباء لكل سوريا .. وبيزيد كمان
    kareem el-cheikh

    مُساهمة الأربعاء يوليو 22, 2009 2:11 am من طرف kareem el-cheikh

    الله يعينا جميعا يا ساتو لأنو هالشغلة مو بس بالدريكيش بكل طرطوس عم يصير (تقنين) عأساس بحاجة تقنين
    و متل ما قلت ما حدا رح يتهم بشي لأنو هاد الواقع نحنا منساعد و ما متقابل غير بوجع الراس
    لو جد بدن يلاقو حل لمشكلة الكهربا برأيي يلاقو حل لمشكلة الفساد بمؤسسة الكهربا و مشكلة الاستهلاك بتنحل تلقائيا

    مشكور يا ساتومان و دبابيس كلا جايي بمحلها

    allii

    مُساهمة السبت يوليو 25, 2009 12:13 pm من طرف allii

    ولانكى من هيك
    الساعة 5 وادي الذئاب
    هون بيبللش المسلسل وهون بيقطعوها
    مشكور ساتو

      الوقت/التاريخ الآن هو الجمعة أبريل 23, 2021 8:12 pm